Lady M新店 食你唔肥鹹點

發佈: 2016.06.02
文:

位於銅鑼灣Fashion Walk 食街啲Lady M旗艦店,設有室內及室外用餐區,露天位夠晒開揚,室內嘅用餐區亦有自然陽光透入,感覺光猛舒適。環境舒服之外,新店另一個亮點是增設了鹹食選擇,而且款式有別於美國嘅法包或三文治。香港嘅餐牌可以話係upgrade版,用咗藜麥、紅菜頭、羽衣甘藍等super food創作出帶有New York style、又健康嘅菜式。

推介的「紐約特色牛油果烘麵包」將Bagel麵包烘至金黃色,再抹上以乾葱及香香草調製的忌廉芝士,再鋪滿牛油果肉,另加一球牛油果蛋白醬,質感非常幼滑。Gluten-free嘅「暖藜麥蔬菜沙律」,將藜麥、羽衣甘藍、意大利青瓜、蘆筍拌勻,味道層次豐富。要飽肚啲,「香蒜油紅椒意粉」是個好選擇,這個意大利南部的經典意粉,大廚以自家煉的蒜油炒香意粉,並撒上蒜片及䮕以日本紅椒絲,簡單得來卻有意想不到嘅美味。新店更設有3道菜的lunch set,主菜連蛋糕及飲品都只是$168,平日食件cake都要$75、咖啡或茶最平$28起跳,呢個set絕對抵食!

Lady M 新店仲加推全日供應的「二人蛋糕套餐」,可以揀選4 件蛋糕 (最多可選兩件千層蛋糕) 及兩杯飲品,仲配多份雜錦鮮莓,至啱愛high tea嘅你!提提大家,最新推出嘅「朱古力千層蛋糕」只限銅鑼灣旗艦店供應,想食咪去錯地方呀!

Lady M銅鑼灣旗艦店
地址:銅鑼灣 Fashion Walk 加寧街 1-3 號地下 C 舖 (食街)
電話:2861 1866
營業時間:星期日至三 11am – 10pm、星期四至六 11am – 11pm
午市時段:星期一至五 12pm – 2pm

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more