23 cm 型爆長 Cone

發佈: 2016.06.05
文:

兩三個月前推出一個叫 DramaCone 既雪糕系列,憑型爆賣相成為店中焦點,極受韓國遊客同老外歡迎。

23 cm 長威化筒來自西班牙,唔單止長,最大特點係有兩層威化,食落更香更脆。話說法國藍帶女廚老闆 Winnie 一見愛上,但因為訂貨量大,除咗用嚟載雪糕,就構思做 DramaCone,物盡其用。講得係 series 梗係唔止一兩款,而家已有 7 款,視乎客人反應而提供 4 款,當中 Dark Forest 係長青,最新登場有呢款 GUUUU,每天限量供應。

限量,因為工序超繁複。不同顏色嘅威化筒,其實係 coat 咗白朱古力再掃上食用色素:筒內唔止得雪糕,好似 Guuuu 內,就有紅莓朱古力醬、Earl Grey 雪糕、榛子脆脆、紅莓 gelato,酸香脆甜,層次十足;面層裝飾都食得,全都係自家手作。

主角 Gelato 亦不假外求,Winnie 不惜查字典繙譯西班牙 cookbook 學做手工雪糕,用傳統方法,即以奶、少量忌廉、糖炮製,又要消毒又要雪藏,心機時間都比用雪糕粉多幾倍,但質感差一截;而且每款雪糕既 base 都唔一樣,味道個性好突出,為求特別,Winnie 仲會喺雪糕內加入不同元素,好似自家果醬、果仁、toffee、風乾煙肉、紫薯蓉、燕麥曲奇‧‧‧‧‧‧12 款雪糕,口味有大路有人氣,更多係 odd odd 哋嘅,好似煙肉味、雪茄味,味道卻出奇地搭調。

雪糕每球 $43,DramaCone 每個 $98,與其話係「食個樣」,不如話「食手工」。

Guuuu $88
最最最新出品!靚到唔捨得食!Cone 內底層有紅莓朱古力醬、Earl Grey 雪糕、榛子脆脆,上面則有紅莓 gelato,配上伯爵茶味燉蛋;得意菇菇則以蛋白脆餅、朱古力和棉花糖製成,配微波爐綠茶蛋糕,層次豐富得像個甜品拼盤。

Strike $88
黑黃加閃電造型好 sharp!內裏有芒果和芝麻雪糕,椰子和芝麻脆脆,配熱情果蓉,酸咪咪滲出芝麻甘香;不少客人覺得似比卡超!

Dark Forest $88
雪糕筒外層布滿杏仁碎和朱古力,凹凹凸凸,似足樹木質感;內有黑朱朱古力 gelato、酒浸車厘子、sacher cake、朱古力蛋糕、櫻桃酒雪糕等,根本就是黑森林蛋糕的味道!

Popcone $88
以爆谷做主題,有焦糖醬、呍呢嗱雪糕,鹹鹹甜甜;配自製蘋果醬、杏仁碎和海鹽焦糖雪糕,焦糖控必試。

Burnt Fingers $43
店中受歡迎口味,海鹽焦糖雪糕內有自家燒的拖肥和烘杏仁,入口香甜中攻出濃濃焦香,aftertaste 很強。

Oddies

地址:中環歌賦街 45 號地舖
電話:2750 2111
營業時間:12nn-10:30pm
註:店中每天有 12 款口味 gelato,杯裝單球 $43、雙球 $68、三球 $88;威化筒 $10/ 個

文:Yoyo、攝影:Jay

相關報導:
手都震埋!嚇破膽層層疊!
靚到暈!手工玫瑰花 Gelato!
拎住都飄飄然!
新口味!台飲變雪糕!
我係雪條,又係雪糕!
古老變潮食 雪糕三文治
雪糕 x 冬甩 Munchies
外脆內軟!雪糕 x Choux!
本土新口味抬頭!
Froyo 再彈起!

想睇更多?即上 甜品 / 中區 特集!

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more