果欄尋寶記 必掃水果啫喱

發佈: 2016.06.08
文:

家陣天氣熱到好似火爐咁,今日係果欄買咗一箱白桃,唔夠兩日又熱到熟晒、出晒水兼爛埋!辛苦抬返屋企又無得食,真係好慘。食唔切嘅話,不如買生果啫喱及果汁啦,保存期限長啲,又方便帶出街、帶返公司做下午茶!

介紹返果欄第一位大熱:蜜瓜啫喱杯!北海道夕張蜜瓜每年6月至8月當造,成個果欄都見到唔同品牌嘅蜜瓜啫喱。賣相最靚嘅 Sherberlious 夕張蜜瓜啫喱杯,選用優質夕張蜜瓜製作,啫喱滲出濃郁嘅蜜瓜香味,啫喱口感幼滑中帶點 Q 彈,感覺好似食緊真夕張蜜瓜果肉!另一個品牌 HORI 都有夕張蜜瓜啫喱,這款曾經連續 5 年獲得 Monde Selection(世界品質評鑒大會)大獎嘅啫喱,有濃郁的蜜瓜果汁、質地嫩滑!北海道之外,亦有靜岡嘅代表!靜岡「皇冠」蜜瓜啫喱,每個用上「一棵樹,種一個瓜」的靜岡蜜瓜製作,想唔濃味都好難!

鍾意似果汁都有一把選擇,味之子蜜柑汁用咗100%原個新鮮蜜柑果汁,沒添加人工色素等,甜到不得了!蘋果汁都有 N咁多個選擇,唔知點揀?梗係揀拎過獎架啦!青森青研100% 蘋果汁,採用青森縣產蘋果,將蘋果連皮整個壓搾,無加糖、水及香料,100%全果汁,好味到拎咗2013年 International Taste & Quality Institute 兩星獎!聽日放假,你都去果欄掃貨啦!

文:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more