懷舊冰室 賣大波奶茶

發佈: 2016.06.28
文:

深水埗基隆街嘅良記餐廳(老鳳冰室),門面與一間普通茶記無分別,推開門先發覺別有洞天!餐廳周圍貼滿李小龍電影海報、可口可樂等外國廣告海報、舊香港紙幣等,仲有大大個「即日放影」招牌,就連大押的標誌都變成裝飾!

賣懷舊,原來是老闆 Milk 嘅主意。他鐘情 70 年代舊香港情,於是將餐廳變成懷舊主題冰室。唔止裝修,食物是改良版的懷舊食物。好似招牌的保齡球系列,是冰室常見啲農夫包,將農夫包挖空後放入炒飯及海鮮、牛腩、大蝦、豬扒等,鋪上芝士汁焗好,鹹香惹味!芝士撈丁都好受歡迎,公仔麵煮散後淋上大量芝士汁,仲畀多塊多士你蘸芝士汁食!

小食推介蝦多士,大廚於多士兩面抹上新鮮蝦膠,蘸蛋漿後脆炸,蝦味突出而且食到蝦粒,唔錯。冰室另一名物,是波波冰鎮奶茶,奶茶浸住兩大粒奶茶冰,就算冰塊溶咗都唔會影響奶茶味道!小記鍾意飛仔華田,阿華田上面灑滿阿華田粉、胚芽、粟米片,仲有一塊阿華田餅,好豐富!

地址︰深水埗基隆街 216 號地舖
電話︰2660 8136

文:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more