元朗劉華 平食海膽burger

發佈: 2016.06.15
文:

有「元朗劉華」之稱的EC Kitchen老闆,繼黑松露手打牛肉漢堡之後,最近再有新人氣食物推出,將當造的海膽加入漢堡及薯條,落手一啲都唔手軟,絕對抵食夾大件!

6 月推出的海膽珍寶菇流心蛋漢堡,中間夾住的不再是厚過本字典的手打漢堡扒,變成手掌咁大的大啡菇上陣。大啡菇先以鹽及胡椒醃味,再加入牛肉汁煮熟,令大啡菇的味道更豐富。啡菇煮熟後鋪上車打芝士及打入蛋黃,然後用火槍將蛋黃表面炙熟,但中間仍然保持留心狀態。最後加生菜、肉醬、再鋪多一層車打芝士、足足20g的火炙智利海膽及海膽蛋黃醬。

一咬開個 burger 流心蛋的蛋汁即刻湧出,食到成手都係!不過一於少理,再大啖咬向海膽,經火炙的海膽更甘香。首次以大啡菇代替手打漢堡扒絕對明智,啡菇的菌香無肉味咁濃咁膩,配豐腴的海膽就唔會膩上加膩。不過你都係愛重口味的話,亦可要求用返牛、豬、羊、雞手打漢堡扒。食burger無薯條襯托又點似樣?「元朗劉華」特別用咗粗身的炸薯條,薯仔味香啲又可以蘸到更多醬汁。咩醬汁咁巴閉要非食不可?咪就係海膽肉醬芝士醬囉!炸薯條淋上大量肉醬、半融芝士及20g 的火炙智利海膽,齋聽呢個組合已經夠吸引。雖然智利海膽未必有日韓海膽鮮甜,但畀$88就食到20g,抵啦!

EC Kitchen
地址:元朗鳳攸南街3號好順景大廈2期19號舖
電話:2529 4948
備註: 逢星期一休息,海膽珍寶菇肉醬流心蛋漢堡配秘製海膽醬只限元朗店出售

文:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more