7 月 4 日係美國獨立日,JINJUU 嘅韓裔美籍大廚 Judy Joo 為咗慶祝呢個咁特別嘅日子,特地推出 brunch 時段美式韓風特別菜單。
大家唔單止可以試下特別菜式,包括韓式辣椒醬燒烤汁燒小肉排配亞洲風味椰菜沙律同粟米沙沙、江南風味熱狗伴自家製泡菜同芝麻油芥末醬,最正嘅係可以一嘗佢地嘅頭盤自助餐,菜式包括好出名嘅韓式炸雞同埋自選韓式拌飯!
另外,大家如果喺 7 月 2-4 日來食晚飯,仲可以叫一杯以美國同韓國國旗為主題嘅雞尾酒,分為紅、白、三色,三款嘅共通點係混合咗 Bourbon 威士忌酒同韓國 Hwayo 25 烈酒,非常特別。
文:Jenny Ling
歡迎你 like 我哋 U Food Facebook Page / U Food Instagram ,取得我哋更新更快嘅資訊!