外貌協會加持 紫星雞蛋仔

發佈: 2016.06.26
文:

此話放喺雞蛋仔度,一樣啱用,雞蛋仔界李嘉欣,我而家介紹你識,又靚女又香噴噴,有食唔食,罪大惡極呀。

對住靚樣雞蛋仔,即時食慾大解放,打造呢款美女雞蛋仔嘅,係新派雞蛋仔店魔芽,老闆 Ivan 諗頭多多,隔一兩個月就有新味推出,這款本來是去年萬聖節 pop up 款,係徇眾要求下重出江湖之作。唔好以為佢係花瓶,好睇唔好食,實情佢香芋味超重,蛋漿一經加熱,芋頭味隔幾個身位都聞到,原來蛋漿裏唔止有香芋粉,仲重本加咗新鮮芋頭肉,一底紫星雞蛋仔,足足有 25% 係香芋,所以無論顏色、香氣同味道都無得輸,勁到日賣 200 底。

做這款星星雞蛋仔要好有心機,18 歲卜卜脆的穀物星星,要逐粒逐粒於到雞蛋仔機嘅凹槽裏面,而且要花多重工夫,加入少量的蛋糕黏實星星來定型,底底工整漂亮,所以十個食客,十一個首要餵咗部手機先吃。紫芋味外,仲有朱古力味,這裏的雞蛋仔都落足泰國蛋做,烘好後拎上手,重評又實得得,雞蛋仔外層脆脆,裏面綿密軟熟,都幾揼本。

紫星 $21
最矚目梗係搶眼嘅千嬅紫同一閃一閃小星星,每粒雞蛋仔都有星星,隔住本雜誌都覺得好食,聞落仲不得了,好香香芋味,星星其實是早餐穀物,烘好後脆脆地,雞蛋仔芋頭味好濃,雞蛋仔有咬口,煙煙韌韌的,飽肚感超強。

星星 $21
這款是朱古力味,朱古力甜甜,是店內的 best seller。

西柚夢幻花茶 $16 中杯、$20 大杯
店內仲有一系列以泰國藍碟花加上不同口味果汁做的飲品,藍色嘅部分就是了,少少酸,唔甜,食完雞蛋仔飲好解喝。西柚外,仲可以揀冬瓜、洛神花、雪梨及荔枝等。

雪糕雞蛋仔 $35
雞蛋仔自選口味,配 2 球雪糕。

摩芽雞蛋仔
地址:太子汝州街 17 號地下 B 舖
電話:從缺
營業時間:12nn - 11pm
收費:只收現金,不設加一
交通:港鐵太子站 D 出口,步行 3 分鐘
泊車:柏樹街可泊車
平均消費:$20
備註:1. 總店設於新蒲崗康強街 2. 文中為新張優惠價,食物價錢稍後略有調整,價錢亦與總店有別

相關報導:
愛麗斯夢遊……
本土派 雪糕雞蛋仔
來自星星的雞蛋仔
重口味 綠茶芝士拉絲
胡椒大尉 太陽蛋的後裔
全球首創 獅子山味雞蛋仔送啤酒
鍵盤戰士 決戰暗黑窩夫
X-Waffle 咖喱吞食戰
好嘢!菠蘿‧哈蜜窩夫盅
當頭起!空氣感梳乎厘班戟

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more