正所謂遇強愈強，遠在上水，居然有雞蛋仔老闆腦力大爆發，做出一款令蛋の使徒懾服嘅爆炸性新作。
如果你無卵不歡，呢款雞蛋仔，你搭車搭船港鐡都要嚟試下，因為老闆李生將膽固醇呢啲無謂事情抛諸腦後，雞蛋仔上打多隻蛋加埋重手胡椒粉，機器一夾，幾分鐘後就變成太陽蛋之後裔 feat. 黑胡椒，蛋香 double up。
呢款雞蛋仔係老闆精心打造的，而家興重料實心雞蛋仔，但呢間為個蛋漿還原基本步，都額外加多隻蛋了，蛋漿無謂太重令手令大家撑得太飽，調校至輕盈而少甜，煮好的雞蛋仔好脆好輕身，但夾埋胡椒太陽蛋吃，簡單惹味，好多上水街坊捧場。
這店的雞蛋仔配料都幾創新㗎，之前出咗黑櫻米（poppy seed 罌粟籽）抹茶味，新近又推出加了超養生果乾做的「清香水果皮」、同增磅同好會會員必點嘅「焦糖」口味，呢度雞蛋仔跟返傳統，外脆中心半空，好吃又唔會超飽，價錢又平過巿區，性價比幾高。
椒鹽蛋雞蛋仔 $15
你睇到嘛？你感覺到嘛？雞蛋仔中心是剛熟的雞蛋，面層仲灑滿胡椒，外層很脆，麵粉感不算太強，但夾埋雞蛋來吃，唔會勁飽，雞蛋仔有少少甜，入口滿有惹味胡椒香，口腔裏有黑胡椒的灼熱感，過癮。
清香水果皮雞蛋仔 $18
新推出的雞蛋仔，加了柚子、橙及紅莓乾，雞蛋仔味道不算太甜，但配埋煙韌好 (口趙) 的生果乾，甜味天然，唔怕惹痰。
焦糖雞蛋仔 $15
冷藏成粒狀的焦糖粒，放到雞蛋仔機裏加熱，烘過後焦糖味更出，半融地混在雞蛋仔裏，似雞蛋仔溝拖肥糖，不黏牙，配熱咖啡簡直一流。
潮食
地址：上水智昌路 8 號順欣花園地下 5C 號舖
電話：從缺
營業時間：1pm-8pm，暫定星期日休息
收費：只收現金，不設加一
交通：東鐵上水站 B2 站，步行 10 分鐘
泊車：龍豐花園 $12 hr
平均消費：$18
相關報導：
愛麗斯夢遊……
本土派 雪糕雞蛋仔
來自星星的雞蛋仔
重口味 綠茶芝士拉絲
外貌協會加持 紫星雞蛋仔
全球首創 獅子山味雞蛋仔送啤酒
鍵盤戰士 決戰暗黑窩夫
X-Waffle 咖喱吞食戰
好嘢！菠蘿‧哈蜜窩夫盅
當頭起！空氣感梳乎厘班戟
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
