全球首創 獅子山味雞蛋仔送啤酒

發佈: 2016.06.28
文:

餡料嘅爆炸性令人氣大旺嘅抹茶紅豆朱古力自動讓路企開。每個港人心中都有座斷背‧‧‧‧‧‧唔係係獅子山先啱,唔試枉為 HongKonger。

呢間手工啤酒店,一向都幾有本土味,賣港產手工啤之餘,bar food 都破格,都帶土炮影子襯鬼佬涼茶,一早喺餐牌上面放咗雞蛋仔,但而家佢哋仲將底綫再推底一啲,將雞蛋仔 2 款變做 7 款,新出咗一系列以香港土炮美食為餡料的雞蛋仔。最破格最破格,係用 only love or hate,沒有灰色地帶嘅南乳做雞蛋仔,老老竇竇,南乳單拖,朕味又的確唔太討好,但混埋雞蛋仔,再加飲完啤酒口淡淡,鹹鹹哋嘅南乳又幾啱送酒。沙嗲牛,partner 一向離唔開麵包或者丁麵啦,但師傅陸國榮上身,將自己炒嘅沙嗲牛刴細當朱古力粒用,混入雞蛋仔中,又一款新嘢,師傅仲自己炒埋香辣瑤柱絲、辣菜甫做雞蛋仔,加埋原有嘅原味同五香肉丁味雞蛋仔,全部鹹鹹地辣辣哋仲甜甜哋,唔送酒真係嘥晒。

惹味辣菜脯雞蛋仔 $43
廚師將辣菜脯放到雞蛋漿內烘焗,菜脯的油分滲滿雞蛋仔中,辣辣地又有油香,送重口味的啤酒真是一流。

沙嗲牛肉雞蛋仔 $48
相當破格,師傅用香料及醬剷成自家沙嗲醬,爆香牛肉後切碎,放到雞蛋仔裏,脆口的雞蛋仔裏有肉餡,多了咬口,沙嗲香及鹹香跟濃淡口味的啤酒都搭調。

創意瑤柱雞蛋仔 $48
四款裏最正係呢款,廚師將乾瑤柱拆成絲,再以辣椒及辣油等炒出像 XO 醬的瑤柱絲,瑤柱均勻地分布在雞蛋仔裏,香辣惹味仲有瑤柱香,雞蛋仔脆脆口感不變,吃到停唔到口。

WOFT

地址:旺角染布房街 7-8D 地下
電話:2116 1786
營業時間:5pm-3am
收費:現金及信用卡,設加一
交通:港鐵旺角站 E2 出口
泊車:金雞廣場 $25 hr
平均消費:$200

相關報導:
愛麗斯夢遊……
本土派 雪糕雞蛋仔
來自星星的雞蛋仔
重口味 綠茶芝士拉絲
外貌協會加持 紫星雞蛋仔
胡椒大尉 太陽蛋的後裔
鍵盤戰士 決戰暗黑窩夫
X-Waffle 咖喱吞食戰
好嘢!菠蘿‧哈蜜窩夫盅
當頭起!空氣感梳乎厘班戟

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more