廟街小廚 澎湃的人情味

發佈: 2016.06.25
文:

有的晨早 8 時就坐定定排隊;有的老遠從荃灣搭巴士來。這項回饋社會的使命,從前店主棠哥 4 年前開店到今日的揸 fit 人富哥,風雨不改。粗略估計,每月店方需付出 2 萬大元派飯,小店來說數目不小。

棠哥從前是個江湖大佬,也曾犯罪入獄,出獄後洗心革面,重回正行,開了家麵包舖及這間小菜館,希望做點善事,將功補過。可是,近年碰著經濟不景,加上門口街檔密密被食環署突擊隊封殺,生意大挫,月蝕過十萬,幾個月前終決定止血離場。富哥從網上看到棠哥的故事,感到十分可惜,願意頂手搏一鋪,希望能把店子起死回生,延續派飯幫助弱勢社群的使命。

富哥受棠哥感染,希望助人扶貧,也曾經有一段傳奇的過去。書讀不成,中三輟學,一心只想賺錢,替爸爸還賭債。後來做了古惑仔小頭目,當翻版 CD 批發莊家。有人激怒他,就找大佬吹雞百人晒馬嚇對方。「可能因為做唔正當嘢有報應,事事都唔順利。結咗婚後,有埋女,有咗家庭,好想同妻女過安穩嘅生活,於是轉正行做海鮮批發生意。自己又信咗道教,好想為自己同家人積點福。」富哥回想前塵往事說。

米芝蓮顧問設計餐牌

富哥 10 年前,他在九龍城開設「富記瀨尿蝦專門店」(現已搬至屯門三聖街)做批發兼零售起家,供應本地市場九成瀨尿蝦,生蝦則交予區內泰國餐廳,不少藝人如發哥、吳卓羲、洪金寶、洪天明等也是客仔。兩年前,又在同區開了家「雷公子海鮮小炒」,生意穩定。今年新年後,接手「寶發小廚」,原本店內只售小菜,他銳意徹底改革,找來曾在某米芝蓮星級菜館當大廚的朋友當顧問,設計全新餐牌,加強海鮮菜式。同時撤換廚房班底,找了前「橋底辣蟹」資深廚師坐陣。店內加設大魚缸養新鮮活海鮮,明碼實價,比坊間便宜一截。

為了吸客救亡,富哥不停度橋,瞓身推廣菜式,親身向客人推谷 5 大招牌菜------避風塘炒肉蟹、避風塘瀨尿蝦、脆皮咕嚕肉、秘製乳鴿皇及金磚脆皮炸百福豆腐。他直接入口的瀨尿蝦勁大隻,手臂長,肉質爽;咕嚕肉炸漿外層很薄脆,放涼了仍脆口;豆腐炸得外脆內嫩滑。

劈價谷生意

他更接二連三勁推劈價宣傳招數,先推出「$38 1 小時任食雞煲」,經網絡瘋傳,高峰期一日有 300 個客人,要等一星期才有位。晚市亦推出「$150 放血霹靂套餐」,90 分鐘食足 8 道菜,包括蒸海斑、炒蜆等。此外,柯打一隻 $218 的波士頓龍蝦,甚至送避風塘大肉蟹!點任何小菜,又送游水新鮮鮑魚一隻,招數層出不窮。

「我目標係要有人嚟!有人食先知好食然後再回頭。但好無奈,無論點努力都要蝕錢。夏天熱,大排檔生意一定差,遊客又少咗最致命都係食環署封殺,,一到 4 點就準時企街,直到深夜。成晚我只能做室內生意,4 張枱夾埋最多 30 個客,根本唔夠皮,依家一個月蝕成十萬。面對呢個經營困難嘅壓力,我都問自己,應唔應該繼續做落去?但我唔做,班公公婆婆就無飯派。有律師朋友話,如果攞到慈善牌,會係唯一生機,不過,過程唔容易,好多掣肘。」富哥現在的心態是做得一日得一日,堅持每日都盡力做好,食過他們的小菜,我認為絕對值得支持!

芝士焗波士頓龍蝦 $218(送肉蟹一隻)
原隻龍蝦加了 3 片卡夫芝士及芝士粉焗,底下墊了伊麵,一貫港式香口芝味,龍蝦頗彈牙。,我認為絕對值得支持!

廟街鵝煲 $168
選取八斤重獅頭鵝,以南乳、柱侯醬、麻醬、蒜子、八角、香葉等炆焗,醬汁濃郁,撈飯係指定動作。脆皮咕嚕肉$78

脆皮咕嚕肉$78
炸漿改良過,既薄且脆,半小時都沒變腍,肉質鬆軟。

寶發小廚
地址:油麻地廟街 29-35 號地下
電話:2882 1707
營業時間:5:30pm-2am
收費:只收現金,不設加一?
交通:港鐵油麻地站 C 出口
泊車:油麻地停車場大廈 $16/hr
平均消費:$100

相關報導︰
可人兒 快樂小花園
風雨同路車仔麵
日間拉麵店 夜晚私房菜
名店大廚 嚴謹西日菜
男人的浪漫 細心的燒味
苦盡甘來牛骨湯河

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more