風雨同路車仔麵

發佈: 2016.06.23
文:

營運麵店的工夫不比飯店少,加上這廚房只有他一夫當關,每天他一早去附近街市買餸,挑選新鮮豬肉魚肉、豬內臟及蔬菜。由洗菜切料,到手打鯪魚球、包木耳豬肉餃子,全部親力親為。餸料又要花時間預備,牛腩、牛筋、豬軟骨分別用自家醬汁燘足 6-8 個鐘,才鬆化入味。所有醬汁一手一腳自己炒;細微到伴海南粉的花生,也堅持要用鑊炒過,難怪香味十足。雞扒豬扒每份柯打即炸,客人一入口就發覺特別香脆。每個工夫細節都做足,不走捷徑。有時夜晚更會為熟客做私房菜,炮製拿手高級海鮮大菜。客人高興飲酒直至深夜,即使他累極也不會掃興趕客。

「呢行好難請人,有時我仲要洗碗、通渠,日日無休,飯都無時間食,最癲試過兩日食一餐,開舖無幾耐即瘦十磅。自己一腳踼,梗係辛苦過以前好多,腰痛都要頂住呀!」鐵人源師傅順帶呻一呻。他太太最明白他,放假下班即會趕來幫手。何太是一所醫院的護士長,為了幫輕丈夫的擔子,不惜放下身份,在樓面打點一切。個性溫柔的何太說:「我嘅角色係鼓勵老公唔好放棄,要撐住!我欣賞呢個男人唔怕辛苦,有責任感,我知我無揀錯!」

眼前這碗鐵人車仔麵,背後記載了他們風雨同路、平淡是福嘅溫情味道。

一麵之源
地址:土瓜灣天光道 28 號曉輝華庭地舖
電話:5440 2885
營業時間:12nn-10pm
收費:只收現金,不設加一
交通:尖沙咀乘 5 號巴士,天光道下車。
泊車:中華大廈 $14/hr
平均消費:$50

相關報導︰
廟街小廚澎湃的人情味
可人兒快樂小花園
日間拉麵店 夜晚私房菜
名店大廚嚴謹西日菜
男人的浪漫細心的燒味
苦盡甘來牛骨湯河

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more