韓燒圍爐蜆 海鮮做主角

發佈: 2016.06.30
文:

老闆之一是曾在尖沙咀開設炸雞店 Fairyland、其後又殺入大圍做開荒牛,開設該區首間韓式 cafe Sister Korea Cafe 的張太,原來她一直都想開一間韓燒店,見天水圍這區不要說沒有韓國餐廳,甚至連食肆選擇都少得可憐,覺得有得做,於是便以「烤肉時代」之名進駐,既喻香港的韓燒已發展至一個成熟的年代,也指這時代已不限於尖咀、銅記等旺區,而是普遍到 everywhere !

食物也有趣,有別於坊間韓燒店多以不同部位的優質牛肉及豬肉或任食等噱頭做招徠,張太見香港人愛海鮮,也見韓國當地近年也湧現貝類韓燒專門店等專食海鮮店,於是也以燒海鮮做主打,供應十多款海鮮。用料優質,像鰻魚,選用當天在本地街市買到的活鱔,超肥美又切得厚身、蜆也是即日購買的新鮮貨。有趣的是,蜆都會放在平時用來做爐邊蛋和爐邊芝士的坑中,加水半煮半燒,客人可以睇住蜆仔一隻隻打開,好新鮮!至於港人大愛的生蠔都有兩款選擇,其中一款美國巨型珍寶生蠔仲有手掌咁大,燒至半生熟加韓式辣醬食就最正!

韓燒以外,店子也供應一系列 Sister Korea Cafe 的人氣菜式,好似曾是人氣王的「漢拏山炒飯」,新 version 唔只可以俾大家選辣定唔辣、用牛肉、豬肉定部隊料炒,仲在飯面多加了即席刨的車打芝士片,芝士味更濃,啱晒咩都加芝的香港人。

漢拏山炒飯 $118 ( 3-4人份)
由韓籍員工即席在客人面前炒製,每粒飯都均勻索滿麻油、醬料、肉類及多款配菜如紫菜、蘿蔔絲等香氣,之後加埋圍邊的 mozzarella 及雞蛋,再在上面刨上幾大片車打芝士,食落超惹味 cheesy!

美國巨型珍寶生蠔 $48/隻
Size 足足有成隻手掌咁大!生蠔本身是刺身級,可生吃,也可燒至半熟才吃,口感 creamy,配埋店子自家用辣椒醬、梅汁、蒜蓉等調成的辣椒醬,酸酸辣辣,好醒胃。

美國石蠔 $28/隻
同是刺身級的貨色,細細隻,蠔味卻超濃,帶有濃濃的礦物和海水味。

鰻魚 $88/ 150克
用的是每天自街市購買的本地新鮮活鱔,非常肥美,切得大件厚身,燒香來吃味鮮而油香豐富。

爐邊白海蜆 $68/ 250克
每天自街市買的新鮮貨,隻隻肥嘟嘟,只在爐邊加點水再燒,很快便開口,食落鮮甜無沙,一客約有廿幾隻,食得滿足。

醬缸醃蟹拌飯 $178/隻
用的是韓國入口的蟹,抵店後才用奇異果、水梨、韓國醬油、酒等廿幾款材料醃過夜,食落帶甜而不死鹹。唔敢食生蟹?店子話可輕輕將蟹燒至剛熟再拌飯吃。

鵝肝 $78/ 100克
估唔到連韓燒店都可以食到鵝肝!鵝肝切得大片厚身,畀點耐性燒至兩邊外層脆卜卜,咬落外脆內油香豐腴,好味!

烤肉時代

地址:天水圍天盛商場地下 002 號鋪
電話:2701 8861
營業時間:12nn-3:30pm、5pm-12mn
收費:現金及信用卡,設加一
交通:天水圍站 C 出口
泊車:天盛商場 $10/hr
平均消費:$350

相關報導:
韓潮 食蒜頭山牛扒
鰂魚涌 All Day Cereal!
貨櫃場開餐 大堆頭 Pan Cheese 炸雞
超好食!劉在錫炸雞即將到港!
韓國 king size 炭火紫菜包飯 落戶紅磡
漂亮!韓國風光食落肚!
韓式小館 進駐利東街

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more