城市花園酒店綠茵閣同本地創作品牌 Chocolate Rain 合作，用佢故事系列嘅第二本繪本《魔法黑森林》做藍本，設計 4 款小蘑菇屋、木頭、天梯造型嘅甜品，好趣緻。
魔法黑森林盛宴 ($350) 有齊法天娜的蘑菇小屋、魔法黑森林、神奇便當同冒險者天梯 4 款甜品。
法天娜的蘑菇小屋 ($98) 其實係奶油 cup cake，上面加咗士多啤梨作個蘑菇屋頂，cake 入面落咗啲香蕉油，口感鬆軟的。而魔法黑森林 ($108) 係朱古力海綿蛋糕配鮮忌廉、藍莓果醬同櫻桃，層層相隔，同一般嘅黑森林蛋糕差唔多。而餅底鋪咗開心果碎同黑朱古力薄碎片，好好咬口。不過特別嘅呢個黑森林無落甜酒，大人細路都啱。
神奇便當($98) 望落好似個包包咁，其實佢用咗班戟包住切成小塊嘅香蕉同核桃，好有口感，加埋cream 就用可樂口味嘅繩結扎好。最後，嗰杯 eye catching 嘅彩虹奶凍 — 冒險者天梯 ($108)，沙棘果、荔枝同青瓜奶凍層層相疊，加埋雜莓醬中和返個甜味，減輕甜膩感，最後入口即融嘅綿花糖雲朵作，配朱古力天梯同七彩星形糖果，好 colorful，最啱打卡呃 like。
綠茵閣
地址︰北角城市花園道9號城市花園酒店1樓
電話︰2806-4922
文：Lou. Y
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
