多料杯麵大比拼

發佈: 2016.07.16
文:

6 款購自不同超市嘅有肉杯麵,有叉燒、牛腩、牛肉片等口味,都係來自兩大杯麵生產國日本及台灣,想知邊款好食,睇睇下面列表就清楚晒。



如果要選最「啖啖肉」嘅杯麵,台系杯麵比日系揼本得多!好似「台灣 TTL 花雕酸菜牛肉麵」,杯麵肉有錫紙包裝,拆開後真係有牛腩同牛筋!因為用錫紙,保留到肉汁;而啖啖肉次選係「味味一品珍味爌肉大碗麵」,真‧豬肉粒分量算多。不過,台灣杯麵嘅通病,就係湯底偏鹹兼重味精,麵身欠爽口。


台灣 TTL 花雕酸菜牛肉麵 $19.5 @ 759 阿信屋調景嶺站店


味味一品珍味爌肉大碗麵 $16 @ MARKET PLACE 德福廣場店

杯麵唔多唔少有味精,如果要品評湯底味道,日系杯麵做得好啲,好似「魚雷稻庭中華麵」,麵豉湯底夠鮮又不過鹹,湯睇落好清澈。附帶叉燒分量唔多,勝在無臊味,伊麵底亦煙韌有咬口,整體水準都算 balanced;一分錢一分貨,價錢係咁多款之中最貴嘅。


魚雷稻庭中華麵 $29.9 @ PIAGO 九龍灣德福廣場二期 401-402 & 501-502

至於其餘兩款日式杯麵,價錢都偏貴;當中「魚介豬骨醬油拉麵」,叉燒、湯底同麵底都屬中上質素,性價比算高;而「博多豬骨湯碗麵」嘅叉燒則較遜色,肉無臊味卻不夠鮮。


魚介豬骨醬油拉麵 $23.9 @ PIAGO 九龍灣德福廣場二期 401-402 & 501-502


博多豬骨湯碗麵 $19.9 @ AEON 九龍灣 Megabox L1 & L2

如果你嗜辣,必食台灣代表「滿漢大餐珍味牛肉麵」,湯底睇落紅噹噹,牛肉粒亦落足料,不過就相對重味精,食完要飲番罐可樂。


滿漢大餐珍味牛肉麵 $15.9 @ AEON 九龍灣 Megabox L1 & L2

一分錢一分貨,台系 vs 日系嘅有肉杯麵,價錢同質素都係日系略高一籌,最貴嘅「魚雷」接近 $30,可以平平哋食個 lunch,但如果夜深,如果懶得郁,如果想過口癮,呢個不失係好選擇。

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more