平價超市搜尋記

發佈: 2016.07.23
文:

平價超市分佈圖


紅色 - 家興食品批發市場 | 黃色 - 美加超市 | 藍色 - 通泰超市

家興食品批發市場

家興有 7 間分店,大部分都喺九龍、新界區,小編就去咗黃大仙嗰間家興睇睇。唔知係咪深明「Time is money」嘅道理,家興都唔嘥大家時間,喺門口貼哂今期邊啲貨品做優惠,想買得最抵就要留意門口嘅大字報喇。

入得呢個「平民超市」list,價位都相當 reasonable,出前一丁麻油味喺大型連鎖超市賣緊 $4.4,家興先每包 $3.3,依家仲有個 $29/ 10包嘅 discount,即是平均 $2.9 包,抵喎!我見啲街坊都一個小紙盒咁買走嘅。

一般超市有嘅米、薯片、罐頭、廁紙等日用品呢度都有,特別嘅係呢度有啲台灣小食,如台灣手信之選嘅水果果凍,同埋我哋細個成食嘅肚臍餅南乳餅。小型超市竟然有,小驚喜!


台灣水果味果凍 $13


大地餅乾 $10

家興食品批發市場
地址︰九龍黃大仙大成街啟德花園購物商場1樓102號舖
註︰紅磡、深水埗、筲箕灣、葵涌及荃灣設分店

美加超市
以平價為賣點嘅美加超市,全盛時期有 5 間分店,不過近年舖租同人工都貴,依家只係得返土瓜灣分店。

其實美加唔止係超市,仲係一個小街市,除咗有生果蔬菜,竟然有埋鹹魚冬菇陳皮等乾貨。如果啲靚媽要賣料煲湯煮飯,去一轉美加就搞掂哂。



同家興一樣,美加超市門口都有個「本週推介」,呢期有咩優惠就一目了然。Normal size 嘅合味道杯麵 $16.9 有 3 個,平均一個 $5.6,慳返幾蚊。

美加超市
地址︰土瓜灣靠背壟道141-143號晨樂大廈地下

通泰超市

通泰喺 70 年代開業,以辦館起家,其後變身成小型超市。以前分店遍佈旺角、北角同中環,依家得返西營盤一家營業。

唔好睇佢豆膶咁細,老闆李廣林係本港著名食品供應商「通泰行」掌舵人,身兼食品入口、代理、批發兼零售,當年好多食品名牌如卡樂 B、立頓、羅拔臣、得力素等都由他引入。部分貨品價錢,都比大型超市平。

小超巿地方唔大,但糧油雜貨生活所需,都可以喺呢度搵到。喺超市買呀、呀都係一 pack pack 的,散裝米糧幾可見到!散裝白米,除了大路嘅泰國香米,仲有台灣著名台梗 9 號米

呢度有懷舊零食,如史蜜夫香橙味軟糖嘉頓椰圈,加上店舖仲 keep 住舊裝修,大家不妨嚟搵番屬於那些年嘅超市味道吧!


散裝白米,除了大路嘅泰國香米,仲有台灣著名台梗 9 號米


呢度有懷舊零食,如史蜜夫香橙味軟糖同嘉頓椰圈,那些年的味道仲可以喺邊度搵到?

通泰超市
地址:皇后大道西 428-440 號地下
電話:2549 7212
營業時間:10am-8pm

文、攝︰Lou. Y

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more