三點三 入麵包廠歎件 Cake!

發佈: 2016.07.16
文:

但有時候,食嘢都是講求一份情懷啫!相信有好多人跟我一樣,都是食嘉頓嘅麵包蛋糕長大,對嘉頓 cafe 自然有種解不開嘅情意結。


嘉頓咖啡室於麵包廠嘅地下,一入大門,保安叔叔會先問你想去邊,知道是去 cafe 後,他會好有禮貌指示你一直向前行就可以到達。行入 cafe 之前,首先經過大堂展覽廳,突然感覺自己行入時光隧道,昔日嘉頓的舊廣告海報、歷年出過的經典產品全部 show 晒出嚟,童年回憶都返晒嚟!




有啲懷舊餅乾罐真係見都未見過,可能是阿爺阿嫲年代的產物!講真,我覺得呢啲絕版餅乾罐好睇過歷史博物館!


行完展覽廳、想完當年,即見到旁邊的 cafe。Cafe 環境闊落、空間十足,其中一邊更加有落地玻璃窗,有陽光透入,感覺好舒服。


另一邊則是兩張長枱,可坐大約 12 個客人。


Cafe 的食物選擇唔算太多,都是蛋糕麵包果撻酥餅等輕食,全部都是自家每日新鮮製作。雜果蛋糕的賣相一啲都唔花巧,3 層海綿蛋糕夾着雜果,外層再抹上白雪雪的忌廉,簡單地以士多啤梨作點綴。賣相平凡,但食落卻充滿驚喜!海綿蛋糕鬆軟,忌廉幼滑唔膩,而且每層忌廉餡都唔會太多太厚,好有舊式蛋糕的味道。小記幼稚園開生日 party 都係食呢款蛋糕!店員話,可以預訂原個蛋糕,$300 兩磅起,加 $10 可以有生日牌,早 3 至 4 日落訂就得!


黑森林蛋糕套餐 $35(包一杯飲品)
朱古力控見到黑森林又點會錯過?3 層朱古力海綿蛋糕夾了啫喱粒及浸過酒的車厘子,做法算正宗,酒香味濃。


蛋糕之外,更追加了雞肉蘑菇餡餅。未食就已經聞到牛油香味,切開後見到蘑菇及雞肉餡夠多,可怕餅皮略厚,醬汁過鹹,都是蛋糕做得比較出色!


咖啡、英式紅茶 $25/ 杯
飲品用上印有品牌經典圖案的紙杯盛載,到今日再欣賞依舊沒老套的感覺。


收銀處仲有葡撻椰撻,每件 $8。


黑板列明每日新鮮出爐包點,店員話每日約 11am-12nn 會出爐,每日只出一轉,要食趁早。


拍攝當日的新鮮出爐包點是牛油麵包,以為是普通一舊包,點知牛油麵包竟然是老鼠仔造型,好可愛。


食飽唔使心急趕住走,cafe 中間放滿嘉頓出品的麵包、餅乾及糕點,有部分產品比超級市場平啲啲!


有 $35 禮品罐套裝,自選 3 款指定食品,用個紅包餅罐盛載,抵!


生命麵包杯墊 $10
嘉頓都有精品,好似呢個生命麵包造型的杯墊。


CD 都有?林子祥唱的「生命之歌」咁經典,你識唔識唱?


行上一樓仲有餐廳,同樣是開放予公眾,地方好大!


餐廳食物價位一啲都唔平,最平的雜菜炒意粉叫價 $78


嘉頓咖啡店
地址:深水埗青山道 58 號嘉頓烘焙中心地舖
電話:2720 1055
營業時間:8:30am-6pm
最低消費:$25/ 位

文:jessie、攝:jay

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more