先食為快! 日韓 No.1 Roll Cake 登陸

發佈: 2016.07.15
文:

舖頭明天(7 月 16 日)正式開業,但我呢個吃貨記者已經等唔切,率先衝上去睇下!一去到已見到黃色開心 logo,超級搶眼。個名好得意,原來 8b 喺日語嘅發音同 Happy 一樣,睇到個笑臉 logo 就希望客人食得開心。「CAFE 8b」喺 1998 年時在大阪北堀開業,07 年再開埋「8b DOLCE PATTISERIE & CAFE」,成為大阪必食美食指標,其中 8b Roll Cake 更曾經嬴得全日本蛋糕卷比賽冠軍,可以想像好食程度無花假。之後仲傳到過韓國,成為日韓 NO.1 奶油蛋糕卷,以前去旅行先有機會買,而家登陸香港,想食就隨時買到。

蛋糕每日仲從日本直送,好新鮮!最出名嘅 8b ROLL CAKE 有 3 種口味,分別係原味朱古力味綠茶味,仲有特別版櫻花味($238),粉紅色賣相好吸引。我就試咗原味 ROLL CAKE,忌廉由北海道牛乳製作,入口已有陣陣牛奶香,生忌廉濃稠順滑又輕盈,入口即溶;蛋糕更用日本原產雞蛋製作,味道唔太甜,啱香港人口味,忍唔住食多件,幸福感 up!


以北海道牛乳製作的生 cream 超輕盈,蛋糕你睇下幾鬆軟!加上鬆軟蛋糕咬落唔會漏。


ROLL CAKE 原味 $168


ROLL CAKE 朱古力味 $188


特別版士多啤梨牛奶卷蛋糕 7 月 16 日後開賣 $238


Double Cheese Tart $168

此外,仲有 5 款口味嘅 8b Sand 小蛋糕,驟眼睇賣相有啲似 macaron,其實係蛋糕,有原味紅豆牛油味草莓牛乳味抹茶味朱古力味,每款靠近聞一聞,香噴噴!一口氣試齊 5 款,最有趣係紅豆牛油味,比紅豆 x 綠茶配搭更甘香,甜中帶鹹卻不油膩,加上豆沙包外型題得分量十足,每個 $30,逛街肚餓不妨食一個。


Sand 小蛋糕有 5 種口味,特別要試紅豆牛油味,咸加甜口感特別。原味 $30、朱古力味 $32、草莓牛乳味 $32、紅豆牛油味 $36、抹茶味 $32

身為香港首家店,當然有不少特別版產品,「8b 濃滑牛奶慕士布丁」就係香港限定。如喜愛牛奶味的朋友必試 這款,奶味比 roll cake 更香濃,食到最底層就出現焦糖,有少許苦澀但剛好中和濃烈奶味,令層次更突出;仲有朱古力味慕絲布丁,可可味好濃㗎。


朱古力味(左)及只有香港發售的濃滑牛奶慕士布丁,每款 $30。

舖頭都算窩心,見我掃咗幾盒蛋糕,提供埋保凍袋畀我拎走,唔怕行出街即融。為慶祝香港店開業,店方將由 7 月 16 日起限量發售扭紋 Candy Roll,一共有士多啤梨、朱古力、抹茶共 3 款口味,每條$168;另有新登場的楓糖、朱古力和抹茶口味年輪蛋糕,價錢由 $108 起,係咪有選擇困難症呢?


只要惠顧滿 $400 就有玻璃水杯送,設計幾可愛。


保冷袋亦有開心笑 logo,好精美。蛋糕需放在攝氏 0-4 度雪櫃中解凍才可進食,各款蛋糕的解凍時間會有紙仔溫馨提示。


香港只限發售的濃滑牛奶慕士布丁 $30





8b DOLCE HK
地址:銅鑼灣希慎廣場 6 樓 628 號舖
營業時間:星期日至四 10am-10pm,星期五及六 10am-11pm
facebook:8b DOLCE HK

文:Celia、攝:Pow

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more