佐敦抵食 $188 波士頓龍蝦

最Hit食訊

發佈: 2016.07.17

文:

這店開在恒隆酒店後方，帶工業味道的裝潢加上空間感十足，是街上最四正的餐廳，所以開業不到一個月，已成了附近上班族及街坊的熱點。

不過，令舖頭人氣大旺的主要原因是因為價錢唔貴之餘，也因為它是區內少有的 causal dining 西餐。最抵食莫過於 2 張紅衫魚都唔使，就可以吃到一隻 450g-500g 的波士頓龍蝦，呢個價錢喺足足平中環灣仔 3 成，大廚 Wilson 在英國讀餐飲，事事認真，雖然餐牌大路，但有好多細心位，好像扒類海鮮都以火山石爐烤，連配菜薯條都用做得有心，雖是來貨，但外脆裏面薯仔肉多多，即叫即炸，水準真係唔差過中環同類西餐。來幫襯，一定要試試廚師撚手的英式炸魚薯條，無偷工減料用龍脷代替鱈魚，而且相當厚身，再跟足英國做法，加英國啤酒做脆漿，鬆化裏面好滑。

英倫啤酒炸魚薯條 $138 店主兼大廚 Wilson 由伯明瀚回流，手法也英式，跟足正宗不怕成本貴都用鱈魚做，炸漿裏也加了啤酒，做出來的炸魚厚身，脆漿鬆化。

午巿及晚巿套餐由意粉、意大利飯、扒、墨西哥卷及海鮮都有，午巿最平 $52，畀 $88 又已經鋸到紐西蘭肉眼扒，仲要包埋湯及飲品，性價比超高；晚巿的扒餐更誇張，基本上一個價，湯、蒜蓉包、甜品、焗蠔及飲品全包，價錢只是比單點貴數十，叫到最頂級的 10oz 美國牛扒都不用 $300，行過啲喺尖沙咀，一定唔得囉。

意大利巴馬火腿芝士手工脆餅 $148 非常大份，看似意式薄餅，但其實是現時歐美流行的 flatbread，餅底又薄又脆，口感介乎餅乾及薄餅之間，唔會太飽，上面可放同口味的材料，如巴馬火腿、三色芝士、露筍野菌或鮮茄羅勒等。