相機先飲 Sweet Monster 幻彩變色花茶

發佈: 2016.07.19
文:

呢杯變色花茶,係由韓國人氣雪糕店 Sweet Monster 出品,舖頭為慶祝一週年,於 8 月推出 4 杯夢幻 feel 花茶和特飲。呢杯變緊色嘅係「蜜糖蝶豆花茶」。放心,唔係色素作祟,花茶的藍色來自泰國北部種植的蝶豆花,佢係一種食用花,放在水中,藍色會釋放出來,遇上酸度更會由藍色變紫色,所以篤一篤花茶內的檸檬,即刻變色!味道嘛,都幾特別,蝶豆花茶底加上韓國天然蜂蜜,甘甘甜甜,我覺得有啲似煲嘅菊花茶喎。

除咗變色花茶,系列中仲有忌廉鮮奶特飲夏日蝶豆花特飲以及西柚蝶豆花特飲,雖然唔會變色,但上枱時有兩截色,一樣咁靚咁夢幻。


蜜糖蝶豆花茶 $19(8 月 5 日開始供應) 用飲管攪拌,即由藍色變紫色,好迷人!味道甘甘甜甜,清清淡淡似菊花茶,好解渴。


忌廉鮮奶特飲 $29(8 月 5 日開始供應) 用玉泉忌廉加鮮奶,亮點在奶泡上加了蝶豆花,輕輕一拌奶泡抹上藍色,好得意!


夏日蝶豆花特飲 $29(8 月 5 日開始供應)以熱情果和橙汁調製,橙色與紫色形成強烈對比,令人想起夏日陽光海灘!果香十足,混和後竟飲到桃味,fresh!


西柚蝶豆花特飲 $29(8 月 5 日開始供應) 粉紅色撞紫藍色,甚有少女風。入口充滿西柚的清新氣息,味道偏酸。


SWEET MONSTER
地址︰尖沙咀廣東道 30 號新港中心 1 樓 115-116 號舖
電話:2174 6750
註:另太古城、尖沙咀、旺角西洋菜南街、APM、沙田和屯門有分店

文:Yo、攝︰Louise

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more