赤蝦、魚介、黑松露豚骨、黑蒜油豚骨及番茄龍蝦 5 款沾麵有創新有傳統。沾麵汁以豬骨湯做基調 + 醬汁 + 香味油製成。自家熬豬骨湯，肉味超濃，每次用 60 至 70 公斤的豬骨、雞骨、洋葱及蒜薑等熬足十多小時而成。
特製極濃赤蝦沾麵 $98
店子推介，沾麵汁完全混合了蝦味及肉香，內有赤蝦肉，面層還有櫻花蝦粉及蝦油，提升美味度。沾麵更比其他款式多了個炸赤蝦頭，鬆脆。
沾麵靈魂香味油也是 homemade 的，最堅係堅揪多料的魚介汁，鰹魚粉外，仲有厚削鰹魚片、鯷魚乾、柚子醋等，上枱時更會再撒上魚介粉，濃郁到要在面層加柚子皮平衡返；吹和洋風的有番茄龍蝦，日本麵當法式做，湯加了龍蝦殼及鮮茄煮，濃香到極，由於做法複雜，每日限 5大碗咋。赤蝦亦落足料，10 公斤蝦頭熬出赤蝦湯，蝦頭油都煲晒出嚟，最尾還會以蝦油、櫻花蝦粉作 magic touch，食誠意都值。盛汁的石碗還先在焗爐烘熱才盛汁，滾熱辣，油份多的沾麵汁唔會放涼變阿「瓊」。
元祖番茄龍蝦沾麵 $128
期間限定口味，每天更只得 5 份，要食就快手。橙色沾麵汁，來自龍蝦殼、鮮茄及日本茄磚等，特別加入白味噌，配海鮮最夾。
麵條是老闆 Ken 找本地日本人麵廠用日本麵粉鮮製，香港好似未見過咁粗身的沾麵，用的是特粗 10 號麵，即一盤麵只切 10 條，每條闊 3 毫米拍得住烏冬咁粗，足足要煮 10 分鐘先煮啱質地，更爽更彈，配超濃味的沾麵汁，都不會喧賓奪主。
麵條粗度制霸全港，加入烏冬粉製造，特別有咬口。
沾麵食法卻忠於日本，只供應冷麵配熱汁，不設熱麵，務求令客人嘗到沾麵爽彈的麵質。每碗沾麵都有青檸、溏心蛋、紫菜、叉燒及筍片，個青檸有用，唧汁加進麵條，有助減膩。
沾麵 size 分普通（180 克）及大（280 克，另加 $10），配料有青檸、溏心蛋、紫菜、叉燒及筍片，其中豬腩叉燒用自家滷水汁煮，柔軟入味，日本蛋更用了叉燒精華浸煮，份外甜香。
地址：尖沙咀厚福街 5-6 號多富閣地下 5 號舖
電話：3709 8140
營業時間：11:30am - 12am
收費：只收現金，不設加一
文：Pam、攝影：Jay、Ki、May、Nova
歡迎你 like 我哋 U Food Facebook Page / U Food Instagram ，取得我哋更新更快嘅資訊！
