收集舊回憶!4 大好 feel 懷舊餐廳

發佈: 2016.07.21
文:

美荷樓舊日校園時光

前身喺美荷樓「呼吸咖啡」嘅文青 cafe,5 月中變身為「四十一冰室」,環境同樣走懷舊路綫,有校園課室、懷舊玩具、舊區風光等主題,坐喺度打卡玩自拍,可玩足全日!

講到食物,比一般 cafe 更多飽肚選擇,招牌菜有西班牙傳統烤焗乳豬($148),乳豬醃足一晚才放入爐烤焗,外皮脆肉幼嫩;德國鹹豬手($118) 都有特色,兩個人 share 一定夠晒飽。想食得 light 啲或食素,有「特色豆腐漢堡」($88),其中以炸豆腐片取代漢堡扒,感覺清新,素食文青必試。


四十一冰室
地址:石硤尾巴域街 70 號石硤尾邨 41 座美荷樓地下
電話:3728 3454
營業時間:7am-10pm

老冰室格局 食炸髀蝦多士

元朗係近年最 hit 嘅搵食勝地,萬芳冰室就係其中一間將六、七十年代冰室格局重現嘅餐廳。開冰室原來背後有段故,老闆為幫爸爸圓夢,為紀念 50 多年前以嫲嫲名字在屯門開設的萬芳士多,就想到將它打造成舊冰室模樣。冰室內樓底高,仲有假閣樓、鋁造摺閘、水磨石地板、打字機等,入去彷如時光倒流。

冰室有舊式茶記美食,如洋葱雞絲長餐包蝦多士厚切餐肉炸髀薯條等,皇牌有鮮牛通,牛肉拒用冰鮮貨,兼用元朗農場蛋和蟹皇麵,即叫即做,好有水準。

萬芳冰室
地址:元朗建德街 35-55 號時景花園地下 10 號舖
電話:2870 2777
營業時間:7am - 9pm


情懷未變 茶樓一盅兩件

還記得小時候跟老爸老媽去樓下茶樓飲茶的日子嗎?元朗除咗冰室,仲有間「老馮茶居」,設計以舊日屋邨環境作藍本,店內一邊係山貨、糧油雜貨店,另一邊則是復刻冰室,擺放了卡座、紙皮石地板、懷舊海報等裝飾。最中間則有大牌檔圓枱摺凳,仲有雞公碗、木筷、最貼地嘅痰罐,充滿老香港情懷。

喜歡歎一盎兩件,推介老馮鮮蝦餃古法千層糕咖喱蒸魷魚蝦醬蒸腩仔飯手拉腸粉等等,水準不比酒家遜色,以後帶阿爸阿媽歎茶有新地方了。

老馮茶居
地址:元朗大棠路 66 號地舖
電話:2659 8826
營業時間:9am - 12am


三級歷史建築 舊日家庭情懷

原址喺侯王廟新村,活化後改名為「石屋家園」的三級歷史建築物,以前真係唔發覺佢存在!而家除了有文物探知中心可了解九龍城歷史,裏面亦有一間由社企 Cafe 叫「石屋咖啡冰室」。佔地兩層,到處擺放懷舊瓷碟、鐵罐、海報,仲有留聲機。樓上一層除了是冰室雅座,仲有一邊是展覽舊日家庭的寫實生活:碌架床、樟木龍衣櫃、摺木枱,上格床掛了校服,將時光回到從前。

喺呢度必試係咖啡,店內放了一部炒豆機,冰室管理人堅持自己炒豆,製作自家烘焙的意式咖啡單品咖啡,巴西、曼特靈、埃塞俄比亞、耶加雪夫等產地咖啡豆唔少得;食物就推介 all day breakfast自製芝士蛋糕雞批菠蘿油芝士肉醬意粉等,有西式有港式,鍾意 free style 可捧出去石屋外露天茶座慢慢歎。

石屋咖啡冰室
地址:九龍聯合道 133 號石屋家園 34 號屋地下
電話:2325 0131
營業時間:8am - 6pm (星期一休息)

文:Ceila

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more