火速降溫!北海道番茄雪葩

發佈: 2016.07.22
文:


甜品店 Smokey Ice 出晒名出品搞鬼又有創意,一份鐵板牛扒造型嘅雪糕,令人齋睇個賣相已覺驚為天人!今個 summer 唔玩搞鬼造型(或者未諗到點玩),一於用生果嘅香甜及蔬果嘅清新,帶嚟至涼快感覺。


北海道鮮茄味雪糕 $46
非正式統計,有人唔愛原個番茄咁食,但食薯條卻無茄汁不歡!唔好笑人哋怪,事實上番茄嘅草青腥味,唔係人人接受到。不過 Smokey Ice 今次特別選用出名甜度高嘅北海道番茄,將原個新鮮番茄去皮後攪成茄蓉,再製成雪葩。番茄佔的比例為 44%,用料都算足,但食落感受唔到番茄嘅腥味,反而是酸咪清甜的感覺,好舒服。


雪葩上仲插咗兩塊番茄味薯片,唔好單獨就咁食呀!沾上雪葩一齊食,番茄味更加突出,薯片嘅鹹味又引出番茄的甜,好夾!食過之後你會覺得畀兩塊薯片,實在唔夠喉!


老闆特別將番茄味製成雪葩,沒有加奶的雪葩少了膩感,加埋酸酸的番茄,食落更 light。


哈哈哈密瓜味雪糕 $46
老闆唔止於日本拎咗番茄,仲將福岡哈密瓜帶埋嚟香港整雪糕。雖然無北海道夕張哈密瓜咁出名,不過福岡出產嘅都名清甜多汁。而且雪糕入面,有 50% 是哈密瓜果蓉,味道天然,好似咬緊新鮮哈密瓜!雪糕上面有兩塊葉子造型嘅威化紙,視覺效果攞晒分!

Smokey ice

地址:荔枝角長義街 9 號 D2 Place 1 樓 101 號舖
電話:6153 0309
營業時間:2pm-11pm

文、攝:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more