檳城咖喱麵 檳城風味
你去過檳城未？「我遇過一個後生仔，以為檳城喺菲律賓！」就係咁，「檳城風味」嘅老闆娘馮太就同檳城人丈夫開咗間餐廳，讓香港人多了解檳城的種種；舖仔細細，只有十多個座位，餐牌上選擇貴精不貴多，有咖喱麵、咖喱飯、肉骨茶、炒粿條同兩三款小食。呢度嘅喇沙，唔係一般新加坡式喇沙，係檳城風味嘅。唔叫喇沙，跟當地叫咖喱麵，風味亦同新加坡嘅唔同，椰漿少，咖喱味係靈魂；呢度嘅咖喱係自家炒，味道比用咖喱粉開水濃香得多，伴小匙辣醬食，辣勁比新加坡喇沙啃，食完出一身大汗，爽！
咖喱麵 $61 (晚餐，送餐飲 1 杯)
檳城風味
地址︰鰂魚涌海澤街 3 號地舖
電話︰5236 1363
Facebook：檳城風味 Penang Lang
營業時間︰星期一至五 12pm-3pm, 6pm-10:30pm，星期六及公眾假期 12pm-4pm，星期日休息
街市娘惹 Style 拿督星馬大飯店
拿督星馬，曾幾何時係城中數一數二嘅星馬餐廳，喺北京道有成 4,000 呎巨舖；之後來輾轉由大舖搬細舖，而家落地於觀塘碼頭熟食中心。熟食中心嘅長巷兩旁盡是茶記，唯獨「拿督」，屈喺一樓死角位，環境卻最光鮮、寬敞、整潔，格局真像在新加坡的熟食中心！老闆娘陳太 90 年代去過新加坡餐館打工，學得一手娘惹廚藝。而家嘅拿督星馬大飯店就主攻輕巧粉麵飯小吃，喇沙好出名，用紅衫梳囉大眼雞熬魚湯，再加自己炒嘅蝦頭蝦殼、喇沙膽同椰汁煮，味道比一般喇沙溫醇香甜，嗒到魚味。喇沙配料有好多選擇，除了大路海鮮，鮮魷都是地道配搭。
鮮魷魚喇沙 $42
拿督星馬大飯店
地址：觀塘觀塘碼頭市政熟食中心 1 樓 20、21、28 號舖
電話：2344 2347
營業時間：星期一至五 8am-4pm，星期六 11:30am-4pm，星期日、公眾假期及每個月首星期六休息，現在至 10 月 1 日星期六休息
新加坡經典風味 Katong Corner
去新加坡旅行，除了吃，就只有吃。有人反過來，因為喜歡吃喇沙海南雞胡椒蟹，而喜歡新加坡。Katong Corner 嘅老闆們就是俵俵者。新加坡喇沙，椰味重，辣度輕，而家好多地方都吃到。但正宗的，少之又少；蔡瀾說過，正宗嘅喇沙，一定要有螄蚶。Katong Corner 做嘅，不只有螄蚶，而且是生拆的！螄蚶從泰國入口，有衞生證明，隻隻飽滿，一咬即爆出鮮甜汁水。喇沙湯充滿蝦同大地魚鮮味，加埋自製湯膽，椰香、甘鹹與蝦鮮融合得化不開。點睛處還在於喇沙葉，有獨特的清香。配的是米綫，如果配摻摻就 100 分了。
新加坡喇沙$88
Katong Corner
地址：銅鑼灣軒尼詩道 525 號澳門逸園中心 15 樓
電話：2196 8086
營業時間：星期一至四12nn-10:30pm，星期五、六及日 12nn-11pm
同場加映 尊貴版龍蝦 x 喇沙 龍蝦寶寶
平時喇沙係都係搭隻蝦畀你，但落到名廚 Chet Eddy 手上，即刻升格。龍蝦寶寶顧名思義，以龍蝦作主打，用龍蝦炮製出大眾化菜式，等大家以親民嘅價錢食到 fine dining 嘅質素。喇沙即叫即煮，湯底以龍蝦湯加檳城喇沙醬熬八九小時，精華盡出，濃而不稠，仲加入大量喇沙葉，清香撲鼻。配料更誇張，加拿大龍蝦箝、牛油炒粟米、慢煮車厘茄同 Portabello 菇、黃酒浸日本半熟蛋，配油麵、新竹米粉，每一口都滿載心機。舖頭即將遷址，粉絲記得留意住佢動向喇！
龍蝦喇沙$108
龍蝦寶寶
地址：中環祖庇利街 1 號喜訊大廈地下 A 號舖
電話：3622 1246
營業時間：星期一至六 11am - 8pm，星期日及公眾假期休息
註：現址營業至 8 月 12 日，舖頭將於 9 月初遷至域多利皇后街。
文：Louise
歡迎你 like 我哋 U Food Facebook Page / U Food Instagram ，取得我哋更新更快嘅資訊！
【免費派】多款人氣軟糖🍭！
↓ 今期必試！果香濃郁，一咬爆汁！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
