這店永遠大排人龍，無他，人做韓國馬糞海膽手卷，它就攞貨攞得貴個人，唔係我吹水，你上 ig、fb 同其他飲食網站睇下啦，好評如潮，食咗一次赢信心。
今次佢哋有新搞作，日日新鮮返活貝回舖，即叫即開，嘩！咁搞法，咪好似去咗北海道海濱咁？仲要係立食價錢，餐廳享受，無得輸喎。老闆揀了韓國活赤貝、加拿大象拔蚌、日本帆立貝進入即開活貝手卷時代，最正係赤貝同帆立貝，原隻放喺手卷上面，赤貝帶子象拔蚌坊間都有，不過係雪藏貨之嘛，點夠即開即食，咁鮮味爽口無雪味喎。溫提一下，佢哋嘅原板海膽手卷做緊價惠價，一板比半板太多，叫埋呀唔該。
活貝睇真啲！
3 款活貝日日送到舖頭，赤貝及帆立貝更是即叫即個，原隻畀客的，真係做到料亭級數。
赤貝
來自韓國的赤貝，超厚肉，一隻開到兩邊，爽而鮮甜。
日本活帆立貝
帆立貝比 5 蚊雞仲要大，厚度約 1 吋，連裙邊都乾淨爽脆。
象拔蚌
來自加拿大，原隻超過 2 呎長，今季當造的超級厚肉，根本毋用嘥氣汆水谷大佢。
卷王
地址：旺角花園街 2-16 號好景商場地舖 22 號
電話：從缺
營業時間：12nn - 11pm
收費：只收現金，不設加一
交通：港鐵油麻地站 A1 出口，步行 5 分鐘
泊車：家樂坊 $33 hr
平均消費：$30-$50
（左）活赤貝手卷 $46
赤貝都算厚肉，而且超級爽甜，以這個價錢，入餐廳一定唔夠叫一隻活赤貝啦。
（右）鮮象拔蚌手卷 $38
記者真心推介，象拔蚌爽口到嗦嗦聲，因為即切，不會像坊間汆水到似擦字膠，加兩滴少辣醬油，吊起貝味，勁正。
一板海膽手卷 $80（左）、半板海膽手卷 $60
一板緊抵吃，比半板才多 $20，用嘅是韓國馬糞膽裏最高級的貨色，望落較乾身，瓣瓣分明，唔會出水同融成一攤。食落滑溜實在，鮮味比甘味重，水準不俗。
活帆立貝手卷 兩件 $68
呢個超抵吃，以原隻日本活帆立貝做，軟嫩的帆立貝肉外，餘下的裙邊都做埋手卷，裙邊索口爽身，頗有驚喜。
記者蛇咗入廚房，冷氣勁又衛生，呢度的手卷吃得過。
松坂庫
地址：尖沙咀金馬倫道35號地下
電話：2323 8700
營業時間：星期一至日：9am-12mn
文：sieg
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
