韓系烏雲雪糕 率先預告必食 item!

發佈: 2016.08.18
文:


即將進駐尖沙咀金馬倫道嘅 L'attitude x Ruimilk,主打賣相靚靚嘅韓式軟雪糕。 招牌烏雲雪糕跟韓國大熱嘅 Remicone 出品好似樣, 不過雪糕店原來跟 Remicone 無關係, 反而是與起源自中國嘅 Ruimilk 合作開設。 Ruimilk 嘅老闆是位中韓混血兒,於上海開設首間店, 一年內開咗過百間分店,期後更衝出亞洲,去美國紐約插旗㖭!


店內有 12 款雪糕畀你揀,但講人氣及賣相, 一定是烏雲雪糕最搶鏡,牛奶雪糕嘅頂層放上大大舊灰色、 薄荷味棉花糖,超 fancy!


另一款熱氣球雪糕則是牛奶雪糕加粉紅色嘅棉花糖,加埋棉花糖粒、 士多啤梨朱古力餅乾條及水果糖漿,好 sweet 好豐富!


呢杯就加咗芒果糖漿及色彩繽紛嘅馬卡龍,酸酸甜甜好滋味。


韓式雪糕又點少得蜂蜜加牛奶雪糕呢?配埋焦糖漿一齊食, 好香甜好 rich!


藍白配嘅 Hawaiian Beach 好有夏日氣息,牛奶雪糕加藍色嘅藍柑醬, 再灑上椰子粉,將成個 summer 食咗落肚!


將雪糕及蛋糕二合為一,甜品師將 Tiramisu 融入雪糕中, 加上咖啡、Mascarpone Cheese、可可粉、榛子麵包及餅乾,食落有多重口感。


除咗雪糕之外,仲有 4 款奶昔及沙冰、 咖啡及自家製作嘅 Pressed Juice。想知仲有咩必試之選,記得留意 UFOOD 嘅報導!

L'attitude x Ruimilk
地址:尖沙咀金馬倫道 19A
查詢:fb.com/lattitudehk

文:Jessie、相片由受訪者提供

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more