長條形的蛋糕賣相唔花巧，3 款口味 sell 有不同 layers，包括「意大利芝士 x 日本抹茶雙重芝士蛋糕」、「北海道 3.7 牛奶雜莓慕絲蛋糕」同埋「絲絨比利時朱古力蛋糕」。香港人對抹茶狂熱，呢個分 2 層的抹茶蛋糕，下層是濃香的芝士蛋糕，上層係宇治抹茶做成的 mousse，再加上一層抹茶粉，口感一軟一硬成對比，抹茶味恰到好處。
朱古力控應該好 buy 呢個「絲絨比利時朱古力蛋糕」，驟眼看來似條巨形朱古力 bar，3 層 layers 底層是朱古力，之後分別是香濃布朗尼及紅桑子醬，最後包上比利時 55% 朱古力外層，外層吃下去幾有金莎 feel，朱古力味超濃厚。喜愛輕怡一點的，可選北海道 3.7 牛奶雜莓慕絲蛋糕，表層是薄薄的白朱古力，軟滑慕絲用上北海道 3.7 牛乳打成，加埋相間的雜莓果醬，清新唔膩。溫馨提示，成個系列凍食效果最好，唔好諗住雪櫃拎出來攤下變室溫，會失真！
意大利芝士 x 日本抹茶雙重芝士蛋糕 $88
絲絨比利時朱古力蛋糕 $88
北海道 3.7 牛奶雜莓慕絲蛋糕 $88
售賣點：
各 A1 bakery、 Balencia 及 Maison A+
歡迎你 like 我哋 U Food Facebook Page / U Food Instagram ，取得我哋更新更快嘅資訊！
