MUJI 官方推介!TOP 5 人氣零食

發佈: 2016.09.01
文:

柚子柑橘糖
柚子柑橘糖係我的最愛!由柚子、金橘同羅漢果精華製嘅柑橘糖,甜甜的,柚子香味既濃又天然,仲好潤喉,秋天食啱晒。如果佢每粒都有獨立包裝就好,咁就唔會開封之後痴埋一齊。
 


柚子柑橘糖 $10

士多啤梨啫喱夾心棉花糖
無印良品有好多款棉花糖,估唔到呢款最受歡迎!好淺的粉紅色,賣相討好;棉花糖用咗士多啤梨啫喱做夾心,夾心啫喱食落唔係藥水味,酸酸哋似果 jam;棉花糖亦唔會死甜,酸甜比例剛好,一口一粒,不經不覺食晒成包!





士多啤梨啫喱夾心棉花糖 $10

日式豆沙夾心燒餅
MUJI 嘅豆沙燒餅係 mini size,一口一個吃得方便。軟軟的燒餅甜度適中,夾着的紅豆蓉偏甜,但很有豆香;tea time 食一兩個最滋味。





日式豆沙夾心燒餅 $22

香蔥蝦餅
好似兒時食嘅橙色大塊蝦餅!不過 MUJI 做得精細得多,蝦餅以香葱、紅薑製作,大塊而厚薄適中,食落香脆唔油膩,餅面仲見到啲香葱,亦食到突出嘅香葱味,煲劇一定要有佢!





香蔥蝦餅 $10

日式梅糖
我以為梅糖係冷門零食,點知都入到 Top 5!外表晶瑩剔透,可以見到中間梅肉,好似裝飾品。梅糖係將砂糖煮融成金黃色糖漿,再加入南高梅而製成,外面香甜,嗒嗒下吃到梅的酸香和清香,潤喉解渴,幾耐吃。




日式梅糖 $18

文︰Louise、攝︰Lok

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more