鰻魚同蛋治都係尋常嘅食物,不過兩者夾埋一齊,就變成一款創意新小食!呢個出位嘅 idea 係出自元朗的「龍鳳店」,小店最出名就係蛋治,好似龍鳳蛋牛治同鰻魚蛋治。蛋治最搶鏡係,炒蛋唔係夾喺麵包中間,而係鋪滿在三文治上!上枱時冒住煙,熱辣辣,仲有蛋香透出嚟,賣相極吸引!好多人都專程為呢件蛋治而來,配埋招牌樽仔咖啡或奶茶,一絕。
龍鳳鰻魚蛋治 $35/ 份(半份 $25)
鰻魚三文治上鋪滿堆到高一高的炒蛋,灑上海苔粉,又黃又綠真係勁吸睛。炒蛋炒至 6、7 成熟,郁下個碟見住啲炒蛋盪盪下,已經想像到有幾滑!仲有蛋香透出嚟!
一切開,發現鰻魚三文治中間夾着芝士,而且芝士更是剛融狀態,好興奮!
鰻魚肥美,燒過的鰻魚食得出有焦面兼有陣陣焦香,可惜鰻魚汁超級鹹!如果鹹甜味調和啲,我應該可以將全份 K.O!
龍鳳店
地址:元朗水車館街 66 號錦榮大廈地下 3B 號舖
電話:2476 8113
營業時間:11am-8pm(時間有時不定,可預先致電查詢)
攝、文:Froggie
歡迎你 like 我哋 U Food Facebook Page / U Food Instagram ,取得我哋更新更快嘅資訊!