原板上!正到暈海膽蜆湯拉麵

發佈: 2016.09.01
文:

唔係講笑,呢碗鋪滿海膽的拉麵,用咗足足一板海膽!咁豪氣,係銅鑼灣「豚燻拉麵」的最新力作「雲丹滿開海之幸拉麵」。這店主打 slow roast + 煙燻叉燒拉麵,已經開創先河,最近要繼續出位,老闆 Johnson 說香港人鍾意食海鮮,就特地推出一款海鮮拉麵。

雲丹,即係海膽;滿開解作全板,海之幸就係指海鮮,呢碗拉麵全日供應,每日限量 10 碗,要搶㗎!湯底用豬骨、雞殼及蔬菜,熬 12 小時而成,有柯打時,就將豬骨湯加入每日新鮮買的本地白蜆烹調;煮好湯,就連湯帶蜆,跟湯碗內的醬油、雞油及蒜泥混合,再放麵、木耳、菠菜等,有蜆的鮮、醬油的香和蔬菜的甜味;主角韓國馬冀海膽最後出場,成板鋪面超吸晴!海膽伴湯伴麵食又得,又可用圍邊的 6 片紫菜包住,大啖放入口,正到暈!


雲丹滿開海之幸拉麵 $198
怕海膽淥熟,當然第一時間將海膽扒入口,部分海膽則用紫菜包住食,試到不同質感。湯底好濃蜆味,配滑溜直麵最夾,食完海膽仲有好多隻蜆等你食。


韓國馬冀海膽細細瓣,色澤雖較日本貨淡,海膽味都突出。


無花無假,用足一板海膽。


豬骨湯做 base,有柯打即加本地白蜆煮湯,大約有 10 隻蜆,唔欺場。


餐廳環境幾有日本 feel,坐吧枱睇到師傅煮麵。


豚燻拉麵
地址:銅鑼灣謝斐道 468 號百達中心地下 E 舖
電話:5400 6734
營業時間:12nn-11pm
註:雲丹滿開海之幸拉麵供應期由即日至 9 月底

文:Pam、攝:Paul

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more