新界友揮手區 人氣冰室 5 大名物

發佈: 2016.09.02
文:

入上水飲八分滿紅豆冰 廣成冰室

1962 年開業,當上水以前仲係綠悠悠農耕地時,廣成冰室已經喺石湖墟為街坊製作美味 紅豆冰,今時今日已經成為餐廳名物。它的紅豆冰用津紅(即天津紅豆)製造,夠晒大粒,杯杯都裝到 8 分滿,真材實料。重點是 40 年不變用三角冰錐刨冰,刨冰上枱時像一座冰山,又高又尖,食落亦特別有冰感。分量超足,價錢只比坊間貴兩、三蚊。因屬招牌貨,亦有叫「廣成豆冰」。
除了紅豆冰,這裏的 菠蘿冰雜果冰也好吃,雖然係罐頭加糖水,但簡單的兒時味道就返晒嚟。另外 通粉、三文治等都有得食,嚟醫肚一樣得。
八分滿 紅豆冰溝黑白奶,飲完成個人充實晒。
雜果冰及菠蘿冰都用罐頭雜果和菠蘿溝糖水,勝在時兒味道搭夠。
用生鐵打成的三角冰錐,坊間難尋。
廣成蛋治亦甚受歡迎,鮮雞蛋入好多貨。
地址:上水石湖墟新成路 10 號
電話:2670 4501
營業時間:6:15am - 5pm(逢星期四休息)

出走郊外入鹿頸食 all day breakfast 陳鳳記
沙頭角附近嘅鹿頸,雖然山長水遠,但風景同治癒感覺就一流。咪以為郊區無啖好食,位於鹿頸小巴站附近的「陳鳳記」並非鄉郊茶水檔咁簡單,最出名嘅 all day breakfast 吸引好多假日郊遊子民去幫襯,有齊 煎蛋腸仔煙肉薯餅茄汁豆加多士,放 英式香腸、美野大蛋、即烘多士等等,用料製作用心。不過想去鹿頸嘅朋友,最好由粉嶺港鐵站轉乘小巴,不時有長龍,半小時一班預時間排隊,如果駕車入去就趁早,附近車位有限。
沙嗲牛肉三文治,即點即烘,沙嗲牛肉有沙茶香又有肉味,十分足料。
用英國茶包,加奶後很香滑,典型的 英式奶茶
豬扒麵用連骨豬扒,以南乳醃味,鹹鹹哋幾入味。
英式早餐有齊煎蛋多士英式香腸煙肉薯餅和焗豆,製作超有誠意。
柳俊江都成日帶愛犬八哥來陳鳳記食早餐,嚟食早餐有機會見到佢㗎。
地址:粉嶺沙頭角鹿頸路
電話:2674 0931
營業時間:星期一至六 9am-6pm,星期日 8am-7pm
大圍超大份煎肉餅飯 金城茶餐廳
大圍有間「紅屋仔」叫「金城茶餐廳」, 招牌煎肉餅最出名。以手剁豬肉加馬蹄、半乾吊片和果皮等炮製,口感十足,而且分量比一般肉餅厚兼大,即點即生煎至熟,甘香彈口,可以送晒成碗白飯。當年少年食神 Michael 讚不絕口。另外仲有 香辣菜脯,外賣拎番屋企食佐麵一流。
煎肉餅飯以三分肥七分瘦豬肉製作,更食到馬蹄粒和魷魚粒,好甘香。
上海菜脯加蒜、乾葱、豆瓣醬和指天椒炒製,好多客人成樽買走,送麵食好正。
XO香茜牛肉湯米粉,湯底有芫茜香,配鮮牛肉好夾。
地址:大圍積福街 100 號地下
電話:2602 6351 /2694 1323
營業時間:6:30am-7pm
皮脆肉嫩生炸雞髀 麗聲冰室
而家坊間好多炸雞髀店,其實元朗的「麗聲冰室」做嘅 炸雞髀出名落足耐性 + 心機,廚房師傅慢慢煎香生雞髀的底面,封住肉汁再炸,令雞髀肉質嫩滑唔乾嚡。冰室用巴西雞腿,size 適中,火候容易控制,唔會炸過龍,幾時食都咁好水準;配埋 粗身薯條,仲唔係時光倒流炸髀餐?
地址:元朗教育路 140B 地下
電話:2470 2328
營業時間:7am - 6pm

滑滑蛋牛多 漢興茶檔
聯和墟除除咗食豬手麵,仲有開業 50 多年嘅「漢興茶檔」,雖然食物種類款式不多,但一味「 蛋鹹牛肉」已經招來好多食家。茶檔 5 點開門,食物即叫即製, 炸雞翼、炸豬扒都好受歡迎,炸豬扒薄身結實,唔覺落太多梳打粉變得腍身。而鹹牛肉炒蛋炒得夠火候,嫩滑炒蛋加上牛肉鹹香,配上多士食大滿足。記住茶檔下午 3 點就收舖,要吃趁早!
地址:粉嶺聯和墟聯興街 3 號地下 B 舖
電話:2675 5188
營業時間:星期一至五 5am - 3pm,星期六、日休息

文︰Celia

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more