盡情滾吧! 周末 Brunch 食 Shabu Shabu

發佈: 2016.09.02
文:

溫野菜係日式鍋物專門店,標榜日本直送食材,由開店至現在都大排長龍。晚上食唔到唔緊要,因為舖頭最近仲有新搞作,推出兩款一人前 Shabu Shabu Brunch Set。套餐有齊前菜、主食(10 款野菜盤、竹筒免治雞肉、板麩、五目野菜餅及兩款肉類),仲有甜品及一杯 Sparkling wine,白飯及烏冬更是無料任添,可以慢慢滾吃到飽,邊食邊吹水,咁先至係疏乎 brunch time 嘛!


Set A $188
兩個 set 分別在於前菜及兩款肉類。Set A 較平,但都好豐富,前菜有辣味芝士、味付鵪鶉蛋、塩枝豆及野菜沙律,而肉類就有美國牛肋肉及丹麥皇冠豚腩肉。

用秘製醬汁醃製過的 鵪鶉蛋,微鹹,帶出蛋香。至於 辣味芝士,賣相似腐乳,微微帶辣,芝士味濃厚,佐酒都啱。
(左) 丹麥皇冠豚腩肉,肉質有咬口兼無臊味,有豬頸肉的爽脆。
(右) 美國牛肋肉,牛味較重,脂肪較少。
Set B $248
價錢貴少少,肉類升呢,有 澳洲和牛肩脊和熊本豚腩肉;前菜有 明太子青瓜、味付味付鵪鶉蛋、塩枝豆及野菜沙律
帶微辣的 明太子配青瓜,食落清爽開胃。
(左) 熊本豚腩肉,看似脂肪較多,但食落異常爽口,超級甘香,不覺肥膩。
(右) 澳洲和牛肩脊肉,牛脂甚香,有種入口即融的感覺,可惜只得 4 塊,牛魔王覺得唔夠喉。
野菜盤陣容鼎盛,共有 10 款蔬菜,如 生菜、旺菜、小唐菜、冬菇、紅心籮蔔、蓮藕、京葱、青皮南瓜、牛蒡及洋葱,微微一燙,食得出蔬菜本身的甜香。
除了 Sparkling wine 外,仲有 茉莉茶、桂花烏龍茶、泡沫咖啡、鮮奶咖啡、乳酸梳打及可樂選擇。加多 $12 仲可以 encore 多一杯,都算抵飲。


甜品有綠茶或呍呢嗱雪糕可選,或加 $8 升級其他甜品。

Brunch Set 湯底是 昆布湯,加 $10 可轉其他湯底,或加 $20 轉有 12 種材料熬成的 藥膳湯


烏冬及白飯無料任添,絕對夠飽肚。


溫野菜
地址:銅鑼灣 Plaza 2000 4 樓全層
電話:3709 8328
營業時間:星期一至日 12nn–11pm
註:Brunch 供應期為星期六、日及公眾假期 12pm-4pm(只限銅鑼灣分店)

文︰Theo、攝影:Kee

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more