青 BB 嘅大福 唔係抹茶係咩味?

發佈: 2016.09.04
文:

呢個咁特別嘅枝豆大福,係飯團專門店「華御結」同岩手嘅 60 年和菓子老舖芽吹き屋合作推出,真名叫「翡翠大福」,喺日本製作,據講用咗自家研發嘅和菓子冷凍技術,送到嚟香港都 keep 到美味柔軟。除咗枝豆大福,仲有黑豆鹽大福艾草大福等選擇。




唔好以為翡翠就係講緊用菜做餡料,其實呢個係枝豆大福。大福的皮用咗岩手縣產嘅公主糯米製,煙韌透薄,仲塞滿枝豆餡。枝豆迷表示,餡料豆味好濃郁,而且質感柔滑,偶爾仲咬到枝豆粒,香香甜甜。


翡翠大福 $16(即日起於太古店獨家發售,九月中旬起於華御結各分店發售)


經過小編試食團嘅評分,黑豆鹽大福得到是次嘅「我最喜愛大福獎」!佢用北海道紅豆餡做 base,加咗少許鹽調味,再放埋日本東北嘅黑平豆,鹹鹹哋嘅味道令豆味更香濃突出,食落仲咬到一粒粒豆,好有口感。


黑豆鹽大福 $15


用艾草葉製嘅大福,有淡淡嘅艾草味,唔濃易入口,唯糯米皮同埋用岩手產糯米粉製,不過皮比較厚身。


艾草大福 $15

同場加映:三色小丸子



三色小丸子 $15
3 色小丸子有芝麻、合桃同紅豆 3 款口味,呢個仲係芽吹き屋嘅人氣商品!

華御結 HANA MUSUBI
地址︰太古地鐵站 TAK 13 號舖
電話︰2321 9081
註︰金鐘、中環、上環、灣仔、紅磡、觀塘、長沙灣、大埔和葵涌另設分店。

文:Louise

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more