日賣 700 杯!超巨型芒果冰

發佈: 2016.09.07
文:

今個夏天開咗好多新果汁店,不過以芒果做主打嘅果汁店,數來數去都只有許留山!最近經過太子,發現一間以芒果汁做 base 嘅果汁店!招牌作嘅賣相,與韓國 hit 爆嘅芒果冰好似,一樣係超巨型勁大杯!

A photo posted by IKU (@nsmrikm) on

呢杯係韓國 Cafe De Paris 嘅芒果沙冰,係咪好靚呢?唔使葡萄人哋,因為香港都有得飲!


呢間於 8 月底開張嘅「泰芒了」,絕對唔係韓國品牌。面向祖國嘅朋友,相信都聽過「泰芒了」呢個名,因為佢正是國內品牌。香港店老闆許小姐,本身開燒味店,於國內取得特許經營權來港開分店。大家放心,香港店用嘅泰國芒果,忌廉及牛奶都是本地入貨。店內有 8 款飲品選擇,全部都以芒果冰做底,然後分別加忌廉、仙草、紅豆、雪糕等做配料。老闆娘話紅豆及雪糕都是香港獨有口味,不過有時柯打太多就唔會做細杯裝飲品,就連店內嘅 3 款小食都暫停供應,專心做巨型芒果冰


超大杯芒果冰 $35
芒果冰用咗新鮮芒果加大量冰及少許糖水打成,芒果味唔算好濃,勝在夠冰涼透心,一杯足足有 1 公升咁多,2 個人一齊分都仲得!


芒果沙冰上會唧入一層忌廉。


放少少芒果粒。


加一大堆芒果味刨冰。


最後放上 4 大片芒果肉做點綴,勁足料!


仙草芒果汁 $28
芒果同涼粉是不敗配搭,芒果沙冰上面加咗芒果粒粒及切到勁細粒嘅涼粉。


3Q 芒果汁 $28
3Q 即是三色椰果粒及芒果粒,飲芒果沙冰嘅同時可以咬到煙韌嘅椰果,口感豐富。提提大家,小店人氣勁旺,一開門就已瘋狂接 order,開店唔使 15 分鐘即有過 30 杯柯打,至少等半個鐘先有得飲。想飲?唔該早啲去買啦!


泰芒了
地址:太子大南街 4 號地下
電話:從缺
營業時間:1:30pm-11pm

文、攝:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more