Haagen-Dazs 黑朱古力杏仁新味 有幾 Dark?

發佈: 2016.09.08
文:

Haagen Dazs 的朱古力雪糕一向有口碑,特別是 Belgium Chocolate,可可味濃,但我覺得偏甜。新出的黑朱古力杏仁(Dark Chocolate & Almonds)雪糕應該啱我口味!雪糕標榜加入 70% 可可成分的黑朱古力炮製,顏色睇落比一般朱古力雪糕深,食落可可味果然濃啲,帶微微甘苦,幸好唔澀。最驚喜是粒粒焦糖杏仁,為雪糕加添脆感之餘,亦帶微微焦糖甜香,食食吓仲嗒到碎朱古力粒,口感味道層次十足。雪糕仲標榜空氣含量保持於 25% 的低水平,口感都算綿密。整體來說,可可味明顯比一般朱古力雪糕濃郁,不過對於我這「黑朱」粉絲來說,仲可以再 dark 啲、甘啲,aftertaste 多一點點。而且逛咗幾間超市,都只得家庭裝,要搵多啲人 share 先得。


宣傳圖片以黑色做主色,充滿神秘感。


標榜以 70% 可可豆做成黑朱古力,加上寫明係 Made in 法國,品質有保證。


比一般朱古力雪糕色澤略深,明顯見到杏仁及朱古力粒,增加口感。


可可味比一般出品濃,沒想像中苦澀,但甜度無減,個人認為偏甜;焦糖杏仁粒脆脆哋,帶焦糖的微甜香,好吃。

售賣點:各大超級市場
價錢:$69(家庭裝)

文:Theo、攝:Brian、Haagen Dazs facebook 圖片

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more