烏冬 + 湯 + 餸 8 分鐘煲熱即食

發佈: 2016.09.09
文:


呢款終極懶人包烏冬,喺 city'super 發現,有幾終極?一般的即食烏冬或即食麵,通常都係一個麵加湯粉和風乾配料;呢個烏冬就唔同,包裝內的配料、烏冬連湯底,雪到一嚿冰咁!賣相好趣怪。

睇睇包裝,就知懶人精髓所在!只要將完整烏冬包,即係烏冬、湯冰同配料放落煲,開火煮 8 分鐘就食得!連水都唔使加!絕對適合經常開夜的打工仔及懶人一族。

烏冬有蝦子雞蛋鴨南蠻咖喱 3 種口味,餸料唔欺場,蝦子雞蛋有原塊蛋餅,仲有蜜豆;鴨肉一塊塊,有口感得來唔會乾如柴皮,咖喱烏冬湯底濃香。烏冬嘛,屬粗身的,爽滑彈牙。一包裝有兩份烏冬,$68 不算貴了。



一袋有兩份,獨立兼真空包裝,餸料放在上層,烏冬在中間,最底層是冰狀的湯底。


手攪蝦子雞蛋烏冬
湯底是日本傳統的醬油味,鹹中帶少許甜味;烏冬食落相當彈牙,口感似足手打烏冬。蛋奄列有蜜豆和蝦仁,蛋味香濃,但質感偏腍。


鴨南蠻手攪烏冬
與蝦子雞蛋同一湯底,配上鴨肉片及葱段,如果鴨肉片多幾塊就 perfect 了。


手攪咖喱烏冬
賣相吸引,雖則配料不多,只有數塊碎肉,但咖喱湯底香噴噴,香味濃辣味適中,食落又不覺太鹹,惹味到連汁也不放過。

價錢:$68
售賣點:city'super

文:Theo、攝:Brian

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more