蜜瓜冰屋?!原個韓國蜜瓜雪花冰

發佈: 2016.09.09
文:


喺觀塘開業半年的「小火焰韓式咖啡餐廳」,以韓式新派菜式做賣點,暑假完咗,竟然仲推出兩款冰品—「韓國蜜瓜雪花冰」「韓國蜜瓜沙冰」。當我以為夏天尾巴已經漸漸遠離,原來韓國當地蜜瓜仲係當造期,一直到 11 月先完結,所以而家食蜜瓜沙冰仲未㗎!


Cafe 除了韓式甜品,更有其他新派韓國食品,午市及晚市都有供應。


8 月尾到 11 月仍是韓國蜜瓜當造季節,炮製沙冰一流!

先介紹一下韓國蜜瓜雪花冰,原隻韓國蜜瓜成個頭咁大,先切開一半挑空果肉,放滿濃濃奶香嘅雪花冰,再放上香甜芝士餅,最後蓋上蜜瓜肉,成為勁有份量的韓式蜜瓜雪花冰


由韓國引入的雪花冰機,打出來的冰碎分明,而且耐融程度較高。


雪花冰十分幼細,食落更軟綿綿。


原隻韓國蜜瓜雪花冰 $138

Cafe 老闆話韓國蜜瓜味道勝在香甜,卻又不會死甜,果肉水份及果汁特多;小記試食一口已覺有爆汁效果!由於雪花冰原個上桌,客人自行切開後,老闆建議先試食蜜瓜,感受果肉甜度,再倒上適量煉奶,可以按個人喜好調校甜度。舀一口濃郁奶味雪花冰,再咬一口半融芝士餅,感覺超幸福!注意,由於份量足料,兩位女士可能食唔晒,3 位或以上朋友去食就最 perfect。


雪花冰先用刀叉切開果肉,建議先試食蜜瓜感受果肉味道。



跟據自己喜歡的甜度,再淋上適量煉奶。

同場加映韓國密瓜沙冰,同樣吸引,附有韓國蜜瓜肉一塊,而沙冰並非以糖水製作,飲得出是蜜瓜果肉製成的冰,沒有假甜味道。沙冰頂層仲配上忌廉奶及奇異果醬,酸酸甜甜好 fresh。



韓國蜜瓜沙冰 $38

小火焰韓式咖啡餐廳
地點:觀塘觀塘道 410 號觀點中心 1 樓 1 號舖
電話:3549 6060]
營業時間:11am-10:30pm
註:韓國蜜瓜雪花冰供應時間為星期一至五晚市、星期六及日全日供應;韓國蜜瓜沙冰則全日供應。

文:Celia、攝:Keeyau

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more