水晶梨豐水梨…… 全部都係梨!究竟點分?

發佈: 2016.09.09
文:


臨近中秋,經過九龍城永富鮮果店,見到有好多唔同種類嘅梨賣!老闆陳生話,立秋之後、中秋之前,係日本水晶梨當造季節,因應季節,好多香港人都喜歡買嚟賞月,反應仲熱烈過日本人咁話。

難怪嘅,無論喺營養學定中醫角度,吃梨都好有益,可幫助止咳、降血壓、減輕疲勞同潤喉㖭,中醫仲覺得食梨可生津止咳、潤燥化痰。市面上嘅梨有好多種,個樣差唔多,但味道同價錢就大不同!今日搵陳生為大家介紹番。

咁多梨點分?


日本水晶梨 $35/ 個 ($600/24 個)
好多地方都有水晶梨出產,當中以日本最優質,但其實水晶梨由中國傳入,經過多年來改良,現在很多地方都有。外形圓圓的,顏色呈淺淡黃綠色,有少量斑點,梨椗較粗和短,果肉多汁。以鳥取出產的「二十世紀梨」最出名皮薄且軟又光滑,超多汁,咬落口感清脆如水晶,食落清甜無渣。日本水晶梨分級仲好仔細講究,以鳥取出產的「二十世紀梨」最有名。陳老闆指當中分「紅秀」及「黑秀」,紅「秀」為最高級,黑「秀」次之,「優」字樣最後,而一箱(24 個)黑秀梨比紅秀梨可以相差 $100。


一箱鳥取紅秀水晶梨,有 24 個,見外皮顏色較淺淡,呈黃綠色,少斑點,梨椗較粗及短。



水晶梨紙盒就係認證,見有二十世紀、紅秀字樣、烏取、琴浦等字眼,就知係靚嘢。


中國貢梨 $5
原生自中國,相傳乾隆下江南時,曾摘梨解渴,更將梨封為貢品。貢梨外皮粗糙、斑點多、形狀不均勻,梨椗較長。與日本貨比較,一睇就分得出;外皮粗糙、斑點多、形狀不均,食落皮薄多汁、甘甜,但纖維較粗糙,但價錢較平,用來燉水最啱。


韓國南水梨 $36
南水梨原生於日本長野縣,身形屬中等,形狀圓中帶點方,不規則。皮呈啡黃色,由於栽種地方和方法都講究,甜度很高。現時除了日本,韓國都有南水梨出產,價錢略平,外表顏色與豐水梨差不多,咬落爽口汁多,不過比豐水梨摸落更硬淨、結實,稍欠香甜鬆化,但價錢比日本南水梨相宜,食得過。


中國蜜梨 $5
江西定南懸是中國蜜梨之鄉,外皮多花痕、果芯小,咬落肉身實淨、汁多鬆脆,湊近聞有微酸香,7 月初成熟當造。


日本豐水梨 $80/2 個
日本豐水梨要到深秋至冬天才當造,在此之前多盛產「幸水梨」,而緊隨豐水梨之後又有「南水梨」,再到農曆新年就有大頭、微笑梨等等,全部都是豐水梨家族成員。日本豐水梨外皮呈深啡色、布滿白色斑點,纖維及肉質滑嫩,多汁兼甜度高。


韓國黃金梨 $20
韓國原產黃金梨,以二十世紀和新高梨雜交而成,果肉多汁但纖維較粗,形狀不均。



永富食品公司係九龍城出晒名嘅生果店,中秋買靚梨大把選擇。

永富食品公司
地址:九龍城侯王道 47 號地舖
電話:2718 2688 / 2718 2689
營業時間:

文:Celia、攝:Keeyau

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more