荃灣小巷發現 無香精有 heart 布甸

發佈: 2016.09.12
文:

有「荃灣美食坊」之稱的鱟地坊,有好多特色小食店,荃灣友報料,在一條不起眼的小巷內,有間開業不到 1 個月、叫「心記」的甜品店,主打無添加布甸。店仔細細,只供外賣,除了大路中式糖水布甸就是主角,好出位!


布甸款式多,而且配搭特別。


各款布甸 $20
所有布甸均不加任何防腐劑及人造香料,老闆 Ken說:「例如班蘭布甸,不用精油,只用新鮮班蘭葉泡水製作,與牛奶布甸 mix 埋一齊。」班蘭葉的獨有香味加上牛奶布甸,味道特別香濃又夠滑,果然係招牌甜品。
(前) 香濃芒果布甸,用足料製作,不會有種很假的芒果味,反而似屋企味道!與牛奶布甸同吃,更香更甜。
(中)黑白芝麻布甸,芝麻味特別濃郁,食到微微的芝麻碎,夠晒真材實料。
(後) 班蘭布甸,未食經已閒到陣陣班蘭香,賣相似千層糕,一層班蘭布甸一層牛奶布甸,感覺清新。


(前)3.6北海道牛奶雞蛋布甸 $29
比牛奶布甸更加嫩滑,有微微的蛋香,輕輕燒脆表面,好吃!
(後)3.6 北海道牛奶布甸 $20
奶味特別濃厚,質地夠滑,再灑上朱古力餅碎,提升香味。

既然以布甸做主打,款式唔可以少,除了大熱的北海道 3.6 牛奶布甸,還有雞蛋布甸芒果布甸和每日轉換的款式,是日款式都是特別的口味,好像斑蘭黑白芝麻等,外間很少見。最特別要數「椰皇寶藏」系列,以椰皇水做的啫喱和椰奶做 base,再隨喜好配搭布甸和配料,好像椰果、日本金薯、蘆薈、紅豆、栗子等,可以話係集幾款甜品於一身!而且配搭千變萬化,次次來都可以食唔同口味。「日芝戀人」也特別,以日式芝士蛋糕 x 布甸,一次過滿足兩個願望。




椰皇寶藏 $28
以椰皇水啫喱及椰奶做底,隨自己個人喜好配搭布甸及配料,層次感極豐富。


日芝戀人 $28
自家製新鮮出爐芝士蛋糕,口感香軟;配滑滑 3.6 北海道牛奶雞蛋布甸,加上芒果的微酸,無想像中咁膩。

款式特別,難得的是製作無添加。老闆 Ken 說:「一向都愛食甜品,亦在甜品店打過工,發覺甜品製作過程太多化學劑,開店是除咗做自己喜愛的甜品,亦希望大家有個健康選擇。」所以店中甜品強調用原材料製作,斑蘭布甸用新鮮斑蘭葉泡水製成,黑白芝麻布甸就磨芝麻製作,味道比用香精或化學調味鮮活得多,最重要是夠天然健康,難怪開業短短日子,已大受街坊歡迎。


小丸子栗子紅豆沙 $20 (淨紅豆沙 $12)
一般在坊間食到的紅豆沙,有些寫明用陳皮煲,但感受唔到陳皮香。心記的紅豆沙,寫明選用 10 年果皮,陳皮味好突出,而且做到真‧起沙,配小丸子及栗子,秋天恩物。


由於所有甜品都無加防腐劑,所以要在兩日內食用。Ken 細心地在每款甜品貼上溫馨提示。


心記
地址:荃灣鱟地坊 80 及 84 號華成樓 B 座地下 B5 號舖
電話:5260 8694
營業時間:3pm - 10pm

文:Theo、攝:Jay

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more