吸睛兼出位 韓風芝泉炸雞 + 即食麵熱狗

發佈: 2016.09.12
文:

雖然近年多咗好多韓國餐廳,但久不久都會幫襯 School Food,諗起佢開業嗰陣,認真哄動!不經不覺,店子已開業 3 週年,為慶祝週年紀念,店方推出咗一系列視覺系限定菜式,有大大條脆炸熱狗、超長拉「芝」炸雞、無法抵抗嘅綠茶甜品等,集齊大家最 like 元素於一身!




叢林芝泉炸雞 $138
一推出就火速成為客人必點 item!將炸雞放入芝士中,捲捲下就可以「拉芝」!朋友們仲可以鬥邊個拉得長,勁好玩!炸雞肉炸粉很薄,內質幾嫩滑,香口之餘調味啱啱好,配埋較軟身、微焦嘅 Mozzarella 芝士,超惹味!分量咁大,3、4 人食就最啱!




韓式熱狗 $68
韓國熱賣中嘅街頭小食之一。以即食麵碎去炸司華力腸,再按客人喜好選擇茄汁或蜜糖芥末醬食,好正!司華力腸本身已很有咬口,再加上脆卜卜嘅即食麵碎,口感好得意!


脆蝦滑浪板 $88
食材勁多!小 pancake 上有紫蘇葉、大葱、甜薯及蛋黃醬,最後擺上以即食麵碎炸嘅大蝦。Pancake 鬆軟,紫蘇葉清新、大蝦既彈牙又香脆,口感超豐滿!


(前)韓夏慶典芭菲 $48
一上枱客人即嘩聲四起!大家都被充滿霸氣嘅菠蘿皮震攝。芭菲內有芒果蓉、海綿蛋糕、水果、啫喱、忌廉、菠蘿以及士多啤梨雪糕,小朋友見到肯定開心!

(後)奼紫雪棉冰 $38
紫薯一向受歡迎,好味之餘,顏色又夠搶眼!特飲由紫薯、藍莓及椰汁而成,紫薯味濃,果真食到一絲絲嘅紫薯絲,配合香滑嘅忌廉及微酸嘅藍莓,恰到好處。




遊綠園 $42
細細杯,裏面有綠茶 mousse、綠茶海綿蛋糕、忌廉、朱古力脆脆和紅豆。味道不俗,不死甜,而且口感鬆軟濕潤,惟綠茶甘味不濃。


School Food
地址:九龍塘又一城 L1 層 33 號舖
電話:2392 1139
營業時間:11:30am-10:30pm (last order 10pm)
註:供應期至 11 月尾,設加一

文:Joyce、攝:Jay

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more