香港限定!日本蜜瓜 x 梳乎厘班戟

發佈: 2016.09.13
文:

今年 6 月才登錄香港的 UFUFU CAFE,有成 115 種口味日式芭菲,已深入吃貨民心。踏入秋天,日本的溫室網紋蜜瓜最香最甜,Cafe 就將又靚又正嘅當造蜜瓜設計成 3 款甜品:特盛日本溫室蜜瓜布丁芭菲日本溫室蜜瓜梳乎厘班戟日本溫室蜜瓜芭菲,最驚喜係 3 款都係香港店限定,日本都食唔到㗎!


餐廳用日本當造溫室網紋密瓜,圖為由茨城縣出產的蜜瓜,視當造期和質素而在熊本、靜崗等地入貨。


裝修有格調,而且座位寛闊舒服。


蜜瓜由日本不同地區入貨,包括靜崗、茨城縣、熊本等,總之唔靚唔入。3 款甜品中,最搶眼一定係用半個蜜瓜製作的豪華芭菲「特盛日本溫室蜜瓜布丁芭菲」($250),半個蜜瓜啖啖柔軟果肉,好香好甜!加上北海道牛乳 3.6 軟雪糕、日本蛋製布丁,再鋪上士多啤梨、蘋果及橙,睇落已經好繽紛,咁豪嘅份量要 2 至 3 個人先食得晒。除咗新甜品,Cafe 亦推出新款蜜瓜鹹食!好似巴馬火腿蜜瓜薄餅,蜜瓜與意大利巴馬火腿一向係絕配,薄餅皮由日本直送,點會唔好味?


特盛日本溫室蜜瓜布丁芭菲 $250
想食豪啲一定要試特盛日本溫室蜜瓜布丁芭菲,成半個蜜瓜肉,加上北海道 3.6 牛乳軟雪糕、日本蛋布丁,好香甜軟滑。


日本溫室蜜瓜梳乎厘班戟 $120
餅底將梳乎厘內結合班戟,口感又輕又軟!食之前淋上楓樹蜜糖點綴,味道立即變得香濃。


日本溫室蜜瓜芭菲 $120
用高身玻璃杯載着,底層鋪了西瓜、奇異果、火龍果,上層再放滑忌廉、脆米及網紋蜜瓜,分量十足,賣相優雅,味道卻令人不顧一切。


巴馬火腿蜜瓜薄餅 $118
用巴馬火腿配蜜瓜,本身就是絕配,再加上 Mozzarella 水牛芝士焗,香噴噴!


主角蜜瓜搶晒風頭,其實仲有其他新嘢好抵食。Weekday 午市有新套餐推出,例如迷你芭菲午市套餐 ($118) 就有齊沙律、日式炆煮物配白飯、迷你芭菲及飲品,迷你芭菲仲有 3 款口味選擇,百多元都算抵食。仲有 9 款新出日式小食,好似博多聞名的焗明太子豆腐、鮮芒果蟹肉餅等,下次去唔止食甜品咁簡單。


迷你芭菲午市套餐 $118
有齊沙律、日式炆煮物配白飯、迷你芭菲及飲品,其中亮點芭菲有香蕉朱古力、士多啤梨軟雪糕和栗子蓉共 3 款味道選擇。


鮮芒蟹肉餅 $58
蟹肉溝蛋黃醬煎得香脆,沾上鮮芒果醬吃,酸酸甜甜,添上果香,好有趣。


豆腐博多明太子 $48
焗豆腐鋪上博多明太子,啖啖香滑鮮味。

UFUFU Cafe
地址:尖沙咀金馬倫道 5 號太興廣場 5 樓
電話:2711 6117
營業時間:星期一至四及日 12pm-11:30pm、星期五及六 12pm-12mn

文:Celia、攝:Jay

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more