滋潤到爆 Pacific Coffee 出楓糖雪糕窩夫

發佈: 2016.09.13
文:

估香港人一年四季都飲咖啡,但我估唔到咖啡都有時令性。好似 Pacific coffee 最近就新出咗「秋楓送爽」系列,以甜蜜滋潤的楓糖做主角,當中有咖啡有甜品,兩款咖啡包括楓糖牛奶楓糖核桃牛奶,齋聽個名都好有秋天 feel!呷一口,味道比一般咖啡甜,嚐到微微楓糖香;楓糖核桃牛奶仲嗒到粒粒核桃,好得意喎!

除咗咖啡,吸引我眼球的其實係 窩夫,早前 Pacific Coffee 嘅概念店已推出過港味窩夫,今次就有 楓糖系列登場。 窩夫做得厚身,做出外脆內軟質感,灑上甜甜哋、脆脆哋嘅楓糖核桃,澆上楓糖漿,感覺滋潤;可配 士多啤梨朱古力雪糕吃,仲要係 Movenpick 出品,揼本!最讚係雪糕窩夫旁仲分別有 士多啤梨香蕉,伴忌廉一齊食,又美味又有罪惡感,分量夠大,足夠兩人分享。
楓糖核桃窩夫配士多啤梨雪糕 $48
鬆軟窩夫上有新鮮士多啤梨、雪糕、cream 和楓糖核桃,仲有細細粒的香脆爆珠,好有口感。
楓糖香蕉窩夫配朱古力雪糕 $48
朱古力雪糕與香蕉係最佳拍擋,組合都無得輸!襯埋香甜的楓糖和粒粒核桃,香甜滋潤,好有秋天感覺。
(左)楓糖牛奶咖啡、(右)楓糖核桃牛奶咖啡 $39(標準裝)/$42(大杯裝)/$45(特大裝)
楓糖牛奶咖啡,感覺到楓糖香味,飲落順喉。楓糖核桃牛奶咖啡食到碎碎的核桃粒,有驚喜。
Pacific Coffee
電話:8108 6500
註:
1 窩夫只在限定分店供應(元朗錦繡花園、尖沙咀漢口道、深水埗曼克頓山、銅鑼灣希慎廣場、銅鑼灣 Pacific Coffee Emporium、銅鑼灣登龍街 Midtown、太古康怡廣場及紅磡黃埔花園)
2 咖啡則於全綫分店供應,港鐵紅磡站及 Pacific Coffee Monogram 除外。
文、攝:Theo

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more