平絕!$178 三層架下午茶 仲送護膚品

發佈: 2016.09.16
文:

呢間酒店唔喺尖沙咀同中環,不過都喺港鐵中轉站鰂魚涌,都算就腳啦!講緊嘅係北角海逸酒店,佢最近推出咗一個叫「紅粉菲菲」嘅下午茶,好多亮點!每位 $178,比一般酒店下午茶平大截;最近酒店更與國際護膚品牌伊麗莎白雅頓聯乘,食下午茶就可以攞伊麗莎白雅頓 3 款人氣護膚品走!


扮靚返屋企先,下午茶有乜好食?下午茶以三層架上,先由鹹點開始!煙三文魚番茄三文治係平凡配搭,勝在味道搭調,既有三文魚嘅濃郁油脂感,又有番茄嘅爽口多汁。小紅莓芝士合桃沙律,感覺很 light 很清新,好啱女仔;紅菜頭香檳啫喱配蝦咯嗲,蝦肉鮮甜彈牙,香檳啫喱雖然酒味不太濃,但啫喱夠冰、涼、爽。


再來較為重口味嘅鹹點!脆炸黃金石榴海鮮卷裏面有沙律醬,食落油膩感不重,外脆內軟,仲有石榴嘅微甜,讚!沙樂美腸紅甜椒撻都幾飽肚,口感亦 heavy,建議之後先食。至於印式香辣雞串,肉質尚算鮮緻,但略為偏辣。鹹點款式比較平凡大路,配料亦不算矜貴,不過喺吃品之前來點鹹食係指定動作。


終於嚟到主角甜品出場,4 款甜品賣相好吸引!做得比鹹點精緻,好似紅莓撻內有吉士醬,酸酸甜甜好香滑;士多啤梨 macaron 就同普通馬卡龍一樣,好甜!荔枝慕絲蛋糕可能多水果關係,感覺比較輕怡清新,而且充滿水果天然甜味,夠 natural。不過小編最愛都係最 eye-catching 嘅玫瑰鬆餅,充滿玫瑰香嘅幼滑忌廉,配埋鬆軟嘅鬆餅,口感一流!


歎下午茶最開心嘅係又食又拎,每位客人可獲伊麗莎白雅頓護膚品(價值 $392),包括:光纖鑽白晶透日間精華(7ml)、光纖鑽白淨白修護膠囊(7 粒裝)、奇肌超導活妍精華(5ml)、15 分鐘速效專業面部護理服務及優惠券。

等小編嚟個總評:下午茶分量和鹹甜點數量比其他酒店少,但分量足夠,女生嚟唔會食剩晒!鹹甜點花款談不上超靚超花巧,但吃得出大廚喺食材上所心的心思,味道不俗。尤其係甜品,統統以粉紅色示人,超靚!女生來到,影完大餐先可以開餐!以每位 $178 價錢來說(上 eshop 訂可獲 75 折,更抵),無投訴了!

The Point
地址:北角英皇道 665 號北角海逸酒店 2 樓
電話:2185 2188
供應日期:即日起至 11 月 30 日
供應時間:3pm-5pm
價錢:$178/ 位(上 eShop 預訂可獲 75 折優惠)
註:
(1) 設加一服務費;
(2) 禮品數量有限,送完即止
(3) eShop 網址: http://eshop.harbour-plaza.com/northpoint

文、攝:Joyce

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more