超厚!雙層夾心!果味!菠蘿軟心西多士

發佈: 2016.09.19
文:

上次介紹過美心香港地的「維他奶 70 度倒插紅豆冰」經已夠晒玩嘢,今次呢一系列升級版西多士都係佢哋傑作,餐牌已經寫住「我唔只係……西多士」;果然,佢唔係一般西多,3 款口味包括紅豆芝麻菠蘿軟心香蕉花生醬都好特別,圖中的西多旁邊,仲會有燒菠蘿、燒香蕉、紅豆芝麻醬等配料㖭!


除咗有菠蘿軟心香蕉花生醬,仲有紅豆芝麻口味,每款都好吸引。

究竟圖文相唔相符?叫咗菠蘿軟心同香蕉花生醬兩款試下,上枱時果然有燒菠蘿和燒香伴碟!西多士仲比一般的厚身,兼且外層炸到似吉列咁,金黃顏色,感覺好香脆。切開菠蘿軟心西多士,即見有奶黃醬流出,仲有粒粒菠蘿肉,酸酸甜甜,味道都幾夾。香蕉花生醬西多士呢,夾心除咗花生醬外,仲有香蕉肉,鹹中帶甜,餡料仲有兩層,有少少膩感。下次帶多個 friend 子,試埋紅豆芝麻先。


西多士厚 5cm,比一般西多士大概厚一倍有多!而且是吉列炸法,外層更鬆脆。



香蕉花生醬西多士 $42(配奶茶或咖啡、凍飲加 $4)
花生醬與香蕉可以話係絕配,既鹹且甜,食落軟綿綿帶 creamy,加埋燒過的香蕉一齊食,連糖漿都唔使落!



菠蘿軟心西多士$42(配奶茶或咖啡、凍飲加 $4)
無諗過奶黃與菠蘿有種出奇的化學作用,酸咪多汁的菠蘿中和了奶黃的甜膩感,食落仲帶幾分清新,加上燒過的菠蘿,正!



美心香港地
地址:大角咀海泓道1號奧海城三期地下高層 65 號
電話:2758 5228
營業時間:7am-10pm
註:查詢熱綫 2101 1333

文、攝:Theo

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more