北海道名物製 大通公園燒粟米茶

發佈: 2016.09.25
文:

日本便利店是個寶藏,食唔完嘅雪糕、布甸,仲有林林總總嘅樽裝茶。好在香港嘅便利店近排好進取,入多咗好多日本品牌嘅樽裝茶,好似 7-ELEVEN 最新引入嘅日本燒粟米茶,就令人好期待。
 

POKKA SAP 燒粟米茶 $14.5/500ml
淨係睇個包裝已經夠晒吸引,大大枝、金黃色嘅燒粟米,放係飲品櫃入而顯得特別搶鏡。


睇真啲,原來呢枝茶用咗北海道出產嘅粟米製造,仲寫到明係大通公園名物。去過北海道都知道,大通公園嘅燒粟米出名又甜又多汁。小記無去過北海道,但見到有人形容燒粟米好食到飛天,有無咁誇張?


燒粟米茶呈金黃色,色澤清澈但樽底有少許茶沉澱物,記得搖勻先飲!未試味前,以為味道會與韓國嘅粟米茶相近。但飲落卻慢慢滲出粟米嘅香甜,茶底順滑唔嚡口,又唔會有澀味,味道好清香,雪到凍冰冰飲,解渴之餘仲好消滯!無得去大通公園食粟米,飲住燒粟米茶止渴先啦!

文、攝:Jessie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more