日系地台 小清新和風洋食

發佈: 2016.09.26
文:

這裏賣慢生活,開這店,皆因曾旅居東京的店主阿 Fei,見港人好鍾意下町那些古宅木屋 cafe,偏偏在港搵唔到,於是找來本地潮牌 Start From Zero 打造有型又有原始味道嘅木家具與地台,加埋落地玻璃窗引入日光,瞬間去咗東京。

餐牌沒有花巧,以簡樸日系洋食為主,由阿 Fei 設計,最特別是將近期歐美同日本大流行的牛油果美食做期間限定料理,牛油果具熱量高纖,令人飽肚又不會過飽,入饌款式都好多,好像溫泉蛋多士和風的牛油果拌飯牛油果豆腐沙律牛油果沙冰等;也有飯、意粉和素麵等飽肚之選,食物都是自家製,當中的自家製的咖喱漢堡扒,是阿 Fei 旅居日本時,跟日本媽媽學的。老闆娘仲會不時以時令生果入饌,好像近期就有無花果、芭樂等做有 layer 的靚靚飲品。這裏簡樸好 hea,結果係由午巿爆到晚巿,想來幫襯,要有少少耐性等位囉。


牛油果帶子蟹棒溫泉蛋飯
$108
帶點沖繩刺身飯和夏威夷 Poke 魚生飯影子,珍珠米上有牛油果、刺身帶子、蟹棒和以柚子醋撈過的蔬菜,吃時刺穿溫泉蛋,撈勻沙律醬吃。


牛油果甘藍沙冰
(前)、士多啤梨乳酪 $58 杯
歐美超 hit,以蛋白質豐富的牛油果加纖維十足的羽衣甘藍打成,飽肚感十足,士多啤梨乳酪以新鮮士多啤梨打成,健康好味。


牛油果溫泉蛋多士
$78
烘脆的法包上放了切片的牛油果及溫泉蛋,兩片多士各配上一款辣味與原味的牛油果醬,吃來飽肚又唔會飽過櫳。


紅酒燉牛肉飯
$88
牛肉燉起碼 3 至 4 小時,裏面加了不少蔬菜,牛肉腍得來有淡淡紅酒味。


日式咖喱漢堡扒飯
(配薯仔沙律)$108
漢堡扒用牛肉及豬肉自家製,厚身富肉汁,也有油香,咖喱汁偏向和風,香甜而不辣,也有開胃的辛香味。跟足日本家常餸傳統,配薯仔沙律。


舖頭好日式,更找來本地潮牌團隊 Start from Zero 打做枱凳,一室簡潔及型格。


呢度仲有店中店,這部分名為「百鳥商行」,老闆娘會搜集韓國時裝、日本生活雜貨等出售。


難得在繁忙的尖沙咀,有這個空間感十足的好 hea 空間,呢個可以畀食客席地而座的地台,梗係最搶手位置啦。

鳥語
地址:尖沙咀厚福街 12-12A 藍馬商業大廈10樓(甜品工房旁)
電話:5603 8586
營業時間:12nn- 11pm(10pm last order)‧

原文摘自 U Magazine ISSUE 565

歡迎你 like 我哋 U Food Facebook Page / U Food Instagram ,取得我哋更新更快嘅資訊!

相關食肆:

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more