奇情!食牛涮鍋寄 postcard?

發佈: 2016.09.23
文:








如果你鍾意食 shabu shabu 放題,大概都估到我講緊 Mou Mou Club。舖頭最近有兩間分店進行大翻新,仲以旅遊做概念。一走入去旺角 MOKO 店,就見到呢個小型郵局!原來係店子嘅小小 gimmick!只要無浪費食物,upload 食物相片至個人 facebook 並打卡check in,就可得到限量 postcard 1 張,postcard 款式一共有 3 款!客人可喺 postcard 中蓋上印章之後放入店內所設嘅郵箱,餐廳信差 Mou Mou 君就會幫手寄出!聽講嚟緊仲有 Mou Mou 君杯緣子㖭!


裝修格局 upgrade 咗,食物有無升呢先?都係同平日一樣,有不同任食套餐選擇,喺指定時間內任點任食指定肉類,沙律、配料、蔬菜和甜品就在櫃枱自取。今次亮點係 2 款新湯底,就係青檸骨膠原鰹魚湯同埋黑蒜醬油湯!前者味道清新,與肉味濃郁嘅丹麥豬肉最夾,仲有骨膠原,啱晒秋冬時滋潤一下;後者用日本京都嘅黑醬油、原粒黑蒜炮製,香濃鹹得嚟亦帶少許甜味,有蒜香但味道唔霸道,配牛肉一流。


而家去全綫分店,唔使加錢就可試到 2 款期間限定嘅湯底。


除咗湯底,仲有新醬料,包括首推嘅山椒粉、芝麻及黑胡椒,為牛肉和豬肉加添惹味。


配料當中,最 cute 就係呢款有 Mou Mou 君等不同人物造型嘅牛涮鍋板燒魚餅,以魚肉、蛋、味醂等材料而成,甜甜哋,好似魚蛋咁。




甜品方面,雪糕口味新增抹茶乳酪雪糕,小編試食咗,覺得抹茶甘味幾濃,滿意!另外亦新增幾款雪糕 toppings 如朱古力醬、士多啤梨醬畀你慢慢加。




全店走木系風格,感覺舒服。店內除咗間隔多咗,座位仲明顯闊落咗,而且多咗獨立空間畀客人大聲嘻哈,私隱度提升!


聽日 Mou Mou 君仲會嚟到新店巡遊!只要 like Mou Mou Club 官方 Facebook 即送你 postcard 1 張!注意時間呀,下午 1-2 點會喺旺角 MOKO 店,下午 3 點至 4 點半就喺荃灣廣場店!


MOU MOU CLUB 牛涮鍋
地址:旺角新世紀廣場 4 樓 423 號舖
電話:3184 0384
營業時間:11:30am-11pm
註:
(1) Postcard 數量有限,送完即止。
(2) 另有荃灣廣場旅遊概念店。

文、攝:Joyce

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more