紫色控必試! ANNA SUI 仙氣下午茶

發佈: 2016.09.26
文:

ANNA SUI 推出咗好多仙氣香水,除咗香氣清雅,香水瓶外型都以粉紫、粉紅等為主題,我就係佢粉絲!品牌旗下精靈系列最新香水係「Lucky Wish 幸運精靈淡香水」,粉紫色浪漫情懷配西柚、橘子、燈花、蘭花等等為調子的香氣,脫俗清雅,我好想入貨!嘿!未去專櫃買,已經喺喜來登酒店嘅 Sky Lounge 遇到!事關酒店最近同 ANNA SUI 合作推出一個主題下午茶,當中最大亮點係送 Lucky Wish 幸運精靈淡香水(4ml)試用裝!


下午茶以環形架奉上,配埋 Sky Lounge 開揚海景和藍天,都唔知影邊樣先好!

下午茶上枱,果然如我想像,一片迷人紫!聽大廚講,甜點係以香水特性作為創作藍本,賣相就以星空下的紫色雲彩和夢幻鳥兒為靈感,統統都做成柔和色調,每一款都有不同精緻裝飾。好似薰衣草色調的檸檬 Macaron,就有糖衣珍珠點綴,好高貴!同場仲有以白色及紫色菊花點綴的呍呢嗱 mousse cake、有夢幻小鳥裝飾的藍莓血橙 cupcake 等,外型設計已經冧到暈,而味道亦配合香水以橙香、柚子為主,感覺比一般 afternoon tea 甜點 light。


下午茶甜點造型及顏色都充滿心思,以紫色為主題,甜點味道則以清新橙香、柚子及檸檬為主,成個感覺都好 girlish。


夢幻鳥兒藍莓血橙杯子蛋糕,cupcake 以血橙炮製,上面的 butter cream 是藍莓味,聞到酸香食落又不太甜,置頂是象徵着愛與希望的夢幻鳥兒,唔捨得食。


三層朱古力蛋糕,顏色好靚,白色是檸檬味蛋糕,中間是紅莓,紫色是藍莓,味道很豐富。



呍呢拿慕絲蛋糕綴以白色及粉紫雛菊,少女風滿瀉,配上曲奇餅底,脆脆的很甘香。


星形橙味朱古力,賣相得意。


鮮橙味汽酒果凍
,感覺清爽清新。


可愛薰衣草色調的檸檬馬卡龍,入口清香,中間點上幾粒糖衣珍珠,充滿淑女感覺,又有 ANNA SUI 高貴特質。


有別於一般下午茶用原味或提子鬆餅,這裏做柑橘味鬆餅,未吃已聞到陣陣橘子香氣,配以鮮橙醬及日本沙律醬,好特別。

鹹點亦充滿新鮮感,好似迷你牛油果番茄蟹肉配藍粟米三文治,用藍粟米做的麵包竟然呈現深紫色,好點題!另外有迷你煙雞肉紅苺醬三文治、一口鵝肝松露巧克力,都係做成細細件,配搭輕巧唔 heavy,好適合女仔細小胃口。


下午茶的鹹點亦不平凡,牛油果番茄蟹肉配藍粟米三文治(右二)的紫藍色造型好吸引,麵包以藍粟米製成,甜甜哋;而紅菜頭三文魚 arancini(最右)則是用紅菜頭反覆醃幾日,將甜味滲入三文魚內,食落鹹中帶甜。鹹點還有迷你煙雞肉紅莓醬三文治、朱古力鵝肝慕絲等


隨餐配咖啡或茶,但我會選配 Lucky Wish 夢想成真香檳雞尾酒,Champagne 氣泡中嗒到蘋果、檸檬的清新味道,醉醉感覺為下午茶加分。


下午茶升級可配 Lucky Wish 夢想成真香檳雞尾酒一杯。


凡惠顧下午茶餐即獲優惠券一張,到酒店樓下的 SOGO ANNA SUI 專櫃,購買花蕊之戀或許願精靈系列 75ml 香水可減 $50。

「Lucky Wish 幸運精靈」奇幻下午茶
供應日期:即日至 11 月 30 日
供應時間:星期一至五 3pm-6pm,星期六、日及公眾假期 2pm-6pm
收費:星期一至五 $218/ 位(配茶或咖啡),星期六、日及公眾假期 $238/ 位(配茶或咖啡);升級配指定美酒或「Lucky Wish 夢想成真香檳雞尾酒」$298/ 位,設加一
備註:每位惠顧下午茶客人可獲 Lucky Wish 幸運精靈淡香水 (4ml) 試用裝一枝

視佳廊 Sky Lounge
地點:尖沙咀彌敦道 20 號香港喜來登酒店 18 樓
電話:2369 1111

文︰Celia、攝:Kee Yau

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】 Midea美的25公升氣炸焗爐!↓

↓ 結合「氣炸」同「烘焙」︱0.2秒即熱︱7種烹調模式↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more