率先試!北海道 LeTAO 奇蹟芝士蛋糕!

發佈: 2016.09.26
文:


等我講下佢來頭啦!LeTao 北海道小樽,創始人河越先生於 1998 年在北海道小樽童話十字路口築起一座典雅歐陸式小塔,作為總店,命名為法語「La Tour Amitié Otaru」(親愛的小樽之塔),所以將品牌定為 LeTAO。


來頭絕非小兒科,佢嘅出品曾經躋身「日本必吃甜點」評選冠軍的北海道小樽 No.1 人氣伴手禮,尤其是皇牌 Fromage Double 雙層芝士蛋糕,每年熱賣 250 萬個!蛋糕除咗用頂級北海道產食材,仲會喺世界各地嚴選最上乘原料炮製,當中耗時 3 年創出的冷凍技術,就令全世界包括我哋都可以食到質感味道同當地一樣嘅出品。


Fromage Double 雙層芝士蛋糕 $220/ 個
先試一口皇牌,蛋糕非常鬆軟,面層有帶微甜嘅半熟芝士蛋糕,比較輕身;底層係經烘焗過嘅芝士蛋糕,質感突出啲,所以一啖就可以食到兩個口感層次!比一般芝士蛋糕甜一點,不過食完無普通芝士蛋糕咁膩,果然如奇蹟般驚喜!


Venezia Rendezvous 威尼斯芝士批 $190/ 個
用北海道新鮮奶油、意大利北部嘅軟芝士及馬達加斯加呍呢嗱製成,味道似吉士般香甜幼滑,裏面嘅芝士好似半熟咁又軟又滑,加上批底夠薄,兩者配搭剛剛好,不 heavy。


Royale Montagne 皇家山峰紅茶朱古力 $88/9 粒裝
紅茶 + 朱古力,唔知味道係點?小編很欣賞 LeTao 嘅大膽配搭,朱古力入口既有大吉嶺紅茶嘅茶香,又有濃滑嘅可可味,兩者很 balanced!


Petit Chocolat 原粒草莓白朱古力 $108/ 盒
以白朱古力包裹原粒冷凍乾燥草莓,外層再以草莓粉包住,是店中另一人氣 item!酸酸甜甜,果香很突出。另有原粒夏威夷果仁朱古力以及原粒杏仁朱古力口味。


Premier maalu (Assorted) 朱古力脆片組合 $258/12 片裝
口感脆卜卜不失鬆化!一 set 入面有白朱古力莓果脆片及朱古力杏仁脆片 2 種口味,我最喜歡後者,一塊一塊吃不停口!


嚟緊 10 月 1 日,LeTao 於中環 IFC 正式開業,供應超過 20 款由北海道直送嘅雙層芝士蛋糕、朱古力及芝士餅乾等。除此之外,LeTao pop-up store 亦將於 11 月 1 日喺又一城開業,聽講到時仲有限定產品,好期待呀!


LeTAO
地址:中環港景街 1 號國際金融中心商場第一層 1033 號舖
電話:2465 7203
營業時間:10:30am-8:30pm

LeTAO pop-up store(11 月 1 日開業)
地址:九龍塘達之路 80 號又一城 UG Area Q

文:Joyce、攝:Ray

相關報導:
預告!大人氣!北海道雙層芝士蛋糕登陸

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【限時搶⚡】Kilo Calo慢煮即食雞胸套裝!↓

↓ 雞胸經低溫慢煮烹調!/ 提供研製多時的獨特口味!↓


↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

more