地膽報料!屯門隱密川菜

發佈: 2016.09.26
文:

呢間「香辣四川」位於屯門一個屋苑內,位置隱蔽,唔係街坊都真係好難會發現。舖面細細,但麻辣菜式種類頗多,麻辣 牛肚豬心豬舌豬耳水煮魚雞煲……大菜小吃乜都有。老闆娘來自四川,店內的麻辣都係佢親自調味,食到點點香辣層次,入口先辣後麻。不過因為香港人唔係個個食得辣,所以老闆娘會因應客人口味而調較辣度,分為大、中、小辣。若想試正宗四川味道,佢推介大辣。
夫妻肺片湯薯粉(小辣) $40
麻辣湯香濃,湯面浮起一層辣油,因為是小辣,辣度溫和,配料除有肺片外,還有牛肚,吃起來爽口,分量頗多。
肺片、牛肚,足料。
最期待的 薯粉!無失望!煮到透明狀態食落煙韌彈牙,薯粉吸收了麻辣湯味,超正。另外,雖然入口唔覺麻,但食完後會感到嘴唇微腫,好過癮!
口水雞(中辣) $40
雞肉加青瓜絲,配上中辣麻辣醬,入口即 feel 到麻痹感,有麻勁又有辣香,只嫌雞肉不夠入味,感覺似食緊落咗醬汁的手撕雞。
生煎餃子(9隻)$35
食餃子最怕皮厚,呢度嘅餃子以薄皮包着韭菜、豬肉,重點是每隻都超足餡,包到脹卜卜!煎好的餃子底部有少少焦,但一啲都唔油膩,而且內裏保留咗肉汁,基本上唔使落任何醬汁已夠味,飽住都要 KO 全碟!
地址:屯門置樂花園 6 座 99 號地舖
電話:5535 1812
營業時間:11:30am-8:30pm,逢星期一休息
註:由於食物賣完會收舖,若 8pm 後到,最好事前打電話確認。

文、攝:Froggie

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【免費送🎁】Patisserie Tony Wong全新花形系列蛋糕!↓

↓立即拎走3款口味:芒果椰子+朱古力紅桑莓+柚子芝麻!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more