聰嫂新 Line 「聰少」 喺課室內食紫薯冰

發佈: 2016.09.27
文:

「聰嫂甜品」的新副綫「聰少甜品」上星期進駐尖東,新店走年輕路綫,以「夢想」為概念。特別設計了可愛的怪獸 character「聰少」駐店做 icon,並設 3 部 LCD,將播放自家設計的聰少動畫。室內設計由著名設計師 Tommy Lee 操刀,將校園元素注入店中,課室木枱配搭一排 locker,部分透明 locker 更會作藝術品展覽,店子亦會不定期邀請大學生唱作人駐店演唱。

甜品大致上跟「聰嫂」一樣,果蓉雪葩每天在中央工場新鮮製作,保持出品質素一致。新推出的冰類甜品有好幾款,包括限定版紫薯冰,以及拼盤形式的 4 式鮮果味小冰。店子特設外賣部,專門發售一系列外賣杯裝迷你冰,有龍眼、蜜瓜、芒果、榴槤、紅豆及士多啤梨 6 款口味。全部雪葩用新鮮果肉,加少許鮮奶打成,配上水晶珠,方便客人街頭吃。


迷你冰外賣杯 $23-$28
雪葩有蜜瓜、紅豆及龍眼味,加上水晶珠,夾雜粒粒果肉,啖啖果味,天然清甜。杯身設計輕巧,方便手拎,勁受歡迎。


紫薯冰 $48
每口都有濃濃的天然紫薯味,加上小丸子及水晶珠,煙韌清爽。


花心小冰 $65
雪葩採 combo 形式,有招牌龍眼、蜜瓜、芒果及士多啤梨 4 款口味,一次過滿足貪心的慾望。


呢隻character 叫「聰少」,喜愛天馬行空的創作,不少少女客人爭住同佢 selfie。


店子提供免費自助生果水,讓客人清一清味蕾,夠細心。


店內設 common table 及散枱,附上掛鈎方便掛袋,部份木枱附設 USB 裝置,啱晒學生的需要。


聰少甜品

地址:尖東新文華中心地下 17-19 號舖
電話:2613 9699
營業時間:12nn-12mn

(原文摘自 U Magazine ISSUE 564)

歡迎你 like 我哋 U Food Facebook Page / U Food Instagram ,取得我哋更新更快嘅資訊!

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓


↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

more